Balyq ósirý de bereke

Balyq sharýashylyǵyna qa­tys­­ty quzyrly memlekettik or­­gan­dar jáne aýdan, qala ákim­­­­dik­teriniń salaǵa jaýapty oryn­basarlary men sharýa qojalyqtyń ıeleri qatysqan jıynda oblystyq tabıǵı resýrs­tar jáne tabıǵat paıdalanýdy retteý basqarmasy janýarlar dúnıe­sin qorǵaý bóliminiń basshysy Danııar Seıitov óńirde 2030 jylǵa deıin taýarly ba­lyq ósirý kólemin 20 myń ton­naǵa jetkizý josparlanǵanyn málim etti. Oblysta jergilikti ma­ńyzy bar 104 sý aıdyny 88 tabı­ǵat paıdalanýshyǵa bekitilip beril­gen. Taýarly balyq ósirýmen 146 ká­sipkerlik sýbektisi aınaly­sa­dy.

Balyq sharýashylyǵyn damy­tý­ǵa memlekettik qoldaýlar kór­se­tiledi. Mysaly, akvaósirý bo­ıynsha bıylǵa jergilikti bıýdjetten 500 mln teńge bólinip, búginde 26 sharýashylyqqa sýb­sıdııa berilýde. Budan bólek, ınvestısııalyq salymdar­dy sýb­sıdııalaýǵa bıylǵa res­pýb­lı­kalyq bıýdjetten 226 mln teńge qaralǵan. Búginde josparǵa sáıkes jańadan 20 toǵandy balyq sharýashylyǵy, onyń ishinde tórteýi úıirgelik aýlada ashylǵan. Aldaǵy ýaqytta osy baǵytta jumystardy qarqyndy júr­gizip, normaǵa sáıkes oblys turǵyndarynyń balyq ónimin tutynýyn tolyq qamtamasyz etý jáne balyq ónimderiniń eksportyn arttyrý josparlanyp otyr. Degenmen konkýrstyq negizde balyq sharýashylyǵyn júrgizý úshin tabıǵat paıdalanýshylarǵa bekitilip berilgen jergilikti ma­ńyzy bar 21 sý aıdynynda ta­bıǵat paıdalanýshylarmen ke­lisimshart talaptarynyń mer­zi­minde oryndalmaýyna baılanysty, shartty birjaqty buzý sharalary júrgizilýde.

Jıynda birqatar usynystar da aıtyldy. Mysaly, sý aıdyndary men toǵandardyń aımaǵynan sharýashylyqtardy damytý úshin jer telimderin rásimdeýdi ýaq­ty­ly, tez arada zańdastyrý, ba­lyq sharýashylyqtarynyń kólemi men sanynyń kóbeıýine baılanysty, akvaósirý boıynsha ketken shyǵyndardyń kóle­min sýbsıdııalaýǵa qosymsha qarjy bólý qajettigi aıtyldy. Bul oraıda oblys ákimi balyq sharýa­shylyǵymen aınalysatyn ká­sip­kerlerge jan-jaqty qoldaý kórsetý jáne jańadan balyq sharýashylyǵy nysandaryn ashý josparyn oryndaýdy júktedi.

Sondaı-aq oblys ákimi Darhan Satybaldy balyq sharýashy­ly­ǵyn júrgizý úshin bekitilgen 91 sý aıdynyn qaıtadan taldap, zerdeleýdi, eksportqa den qoıýdy tapsyrdy. Balyq sharýashylyǵy salasyna ınvestısııalar tartý jumysyn kúsheıtý qajet eke­ni aıtyldy.

«Balyq sharýa­shy­lyǵymen aınalysatyn kásip­ker­lerge jan-jaqty qoldaý kór­setilýi kerek. Investorlar tartý mańyzdy. Balyq azyqtary men balyq ónim­derin óńdeıtin zaýyt, ká­siporyn ashýǵa nıet bildirgen tulǵalarǵa jańadan jáne tabıǵat paıdalanýshylarǵa konkýrstyq negizde bekitilgen sý aıdyndary men jumys is­tep turǵan toǵandy balyq sharýashylyqtaryn odan ári damytý maqsatynda aı­na­lasynan jer ýchaskelerin berýdi qarastyrý qajet. Ba­lyq sharýashylyǵyn damytý maq­satynda 2023-2025 jyl­dar­ǵa arnalǵan jańadan balyq shar­ýa­shylyǵy nysandaryn ashý josparynyń oryndalýy qam­tamasyz etilip, atqarylǵan jumystar boıynsha ár toqsan saıyn tabıǵı resýrstar jáne tabıǵat paıdalanýdy retteý basqarmasyna esebi berilýi kerek. Balyq sharýashylyǵymen aınalysýshylarǵa kásipterin damytý úshin jeńildetilgen nesıe berý qamtamasyz etilsin. Konkýrstyq negizde balyq shar­ýa­shylyǵyn júrgizý úshin be­ki­tilip berilgen jergilikti ma­ńyzy bar sý aıdyndarynda tabıǵat paıdalanýshylarymen atqarylǵan jumystaryna taldaý júrgizilip, shart talaptaryn oryndamaǵan tabıǵat paıdalanýshylarmen shartty birjaqty buzý sharalary atqarylýy tıis. Zańǵa sáıkes rezervtegi sý aıdyndaryn konkýrstyq negizde tabıǵat paıdalanýshylarǵa bekitip berý jumystary jalǵasady», dedi oblys ákiminiń orynbasary Ermek Kenjehanuly.

Aıta keteıik, balyq sharýa­shy­­ly­ǵymen aınalysatyn 14 ká­sipker «Túrkistan ÁKK» aksıo­ner­lik qoǵamy arqyly 5,4 mlrd teńge kóleminde jeńildetilgen nesıe alý boıynsha qujattaryn jınaqtap, ótkizýde. Oblysta jalpy qýattylyǵy jylyna 15 myń tonna bolatyn 7 balyq óńdeý zaýyty jumys isteıdi. Oǵan qosymsha 2023-2024 jyldary jeke ınvestorlarmen 1 mlrd 700 mln teńgege balyq azyqtaryn shy­ǵaratyn, qýattylyǵy jyly­na 10 myń tonnalyq 2 zaýyt ashý jos­parlanyp, jumys júr­gi­zilip jatyr.

Túrkistan oblysy