Majarstannyń Seged qalasynda máresine jetken baıdarka men kanoede eskek esýden Álem kýboginiń alǵashqy kezeńinde otandasymyz Marııa Brovkova altyn medal jeńip aldy.
Sportty damytý dıreksııasynyń deregine sáıkes C-1 sanatyndaǵy 1000 metrge jarysýda baq synaǵan Marııa máre syzyǵyn 4:49.91 sekýndta kesip, Álem kýboginiń alǵashqy kezeńinde jeńiske jetti. Odan keıingi satylarǵa álem chempıonatynyń kúmis júldegeri majarstandyq Jofııa Kısban men onyń otandasy Jofııa Katalın Chorba turaqtady.
Jalpy, Seged qalasyndaǵy jarys joly 18 jastaǵy qazaq sportshysyna jaqsy tanys. Marııa byltyr osy qala qabyldaǵan 23 jasqa deıingiler arasyndaǵy álem chempıonatynda da 1000 metr qashyqtyqta jeńimpaz atanǵan edi.