Prezıdent kelisimi negizinde Bas prokýrordyń 2023 jylǵy 15 mamyrdaǵy buıryǵymen aǵa ádilet keńesshisi Murat Ájinuruly Tleýberdıev Túrkistan oblysynyń prokýrory laýazymyna taǵaıyndaldy, dep habarlaıdy Egemen.kz Bas prokýratýranyń baspasóz qyzmetine silteme jasap.
Murat Tleýberdıev 1973 jyly 20 qarashada Almaty oblysynyń Qaskeleń aýdanynda dúnıege kelgen.
Eńbek jolyn 1999 jyly Almaty qalasy Bostandyq aýdany prokýrorynyń kómekshisi bolyp bastaǵan. Ár jyldary birqatar jaýapty basshylyq laýazymda qyzmet etken.
Almaty qalasy Almaly aýdany prokýratýrasynyń bólim bastyǵy, qala prokýratýrasynyń basqarma bastyǵynyń orynbasary, basqarma bastyǵy, Áýezov jáne Almaly aýdandarynyń prokýrory, Almaty qalasy prokýrorynyń orynbasary qyzmetterin atqarǵan.
Taǵaıyndalǵanǵa deıin Bas prokýratýranyń Kadrlardy damytý departamentin basqardy. Zańdylyq pen quqyqtyq tártipti nyǵaıtýǵa qosqan úlesi úshin II dárejeli «Aıbyn» ordenimen nagradtalǵan. Prokýratýranyń qurmetti qyzmetkeri.