Onkogematologııany emdeýge – 2,9 mlrd teńge

Qaraǵandy oblysynda onko­ge­­matologııalyq aýrýlary bar naý­qastardy tekserýge jáne emdeý­ge 2,9 mlrd teńge bólindi. Medı­sınalyq saqtandyrý qo­ry tegin medısınalyq kómek kórsetý arqy­ly 2,7 mlrd teńge jáne MÁMS paketinen 200 mln teńgeden asa qarajat bólýdi jos­parlap otyr.

Qan aýrýlary bar naýqastar­dy emdeý gematologııa ortaly­ǵynda ótedi. Ortalyq Qaraǵan­dyda 2018 jyldyń tamyz aıynan bastap jumys isteıdi. Bıyl Qa­raǵandy qalasy men Qara­ǵan­dy oblysynyń gematologııa sala­syndaǵy quzyret­tilik or­ta­lyǵy retinde jeke ǵı­­ma­­rat­qa kósh­kenin atap ótken jón. Bul orta­lyqta qan aýrýymen syr­qat­tanǵan naýqastardyń dıs­­pan­­serlik esepke deıingi bar­lyq kezeńdi ótýine múmkindik ja­sal­ǵan. Munda kúndizgi jáne syrt­taı keńes beretin ambý­la­­torııalyq emdeý, tekserý ke­zeńi jáne táýlik boıy nemese kúndizgi stasıonarda emdeý­ top­tas­tyrylǵan. Ortalyq deregine súıensek, ortalyqtyń táýlik boıǵy jáne kúndizgi stasıonarlarynda Qaraǵandy, sonymen qatar basqa oblystardan 2 myńnan asa adam em alypty. Onyń 73-76 %-y qan qaterli isigi bar naýqastar eken.

– Stasıonardy almastyratyn kómekke basty nazar aýdaryldy. Kúndizgi stasıonarda bizde 16 tósektik oryn bar. Bul dıagnos­tıkalyq jáne emdik sharalardy júrgizýge múmkindik beredi. Naýqas emdelip oralady, osylaısha biz aýrýhanaishilik ınfeksııalar qaýpin azaıtamyz. Qazir táýlik boıy aýrýhanaǵa tek aýyr naýqastar – jedel leıkozben aýyratyndar jatqyzylady. Hımııa jáne joǵary dozaly terapııa júr­gi­ziledi, – deıdi gematologııa salasyndaǵy quzyret­tilik orta­l­y­ǵynyń dırektory Irına Balandınskaıa.

Táýlik boıǵy stasıonardaǵy naýqastar bir oryndy palatada emdeledi. Onyń árbirinde jel­detý júıesi bar. Ár palatada qajet­tilik týyndaǵan kezde jedel jan saqtaý bólmesi etip jab­dyqtaýǵa barlyq jaǵdaı qaras­tyrylǵan.

Qaraǵandy oblysy