Parlament

Áleýmettik máseleler qozǵalǵan kezdesýler Májilis depýtattary aımaqtarǵa saparlary sheńberinde «Memlekettik jastar saıasaty týraly» zań jobasy talqylanǵan keńeske qatysty. BUU (IýNISEF) balalar qo­ry­nyń qyzmetkerleri men «Jas­tar saıasatynyń zerthanasy» uıy­mynyń Ulybrıtanııa, Kanada, Ir­landııa elderinen jastar saıasaty jónindegi sarapshylar men úkimettik emes uıymdar ókilderi Astanada bas qosty. Olar jastar saıasaty salasyndaǵy óz elderiniń aldyńǵy qatarly tájirıbelerin ortaǵa salyp, ózekti máselelerin talqylady. Keńeste sóz alǵan Májilistiń Áleýmettik-mádenı damý komı­tetiniń hatshysy Maıra Aı­sına atalǵan zań jobasy halyq­­ara­lyq tájirıbeler deńgeıin­de tal­qylanyp jatqa­ny­nyń mańy­zyna toqtaldy. Sony­men birge, depýtat Qazaqstan jas­tardyń damý ın­deksi boıynsha 30 el qataryna engenin atap ótti. Bul jetistikke eli­miz aldymen bilim alýdaǵy jo­ǵa­ry kórsetkishteri men jastar ara­syndaǵy ju­myssyzdyq kórset­kishteriniń tómendigi arqasynda jetken bolatyn. Májilis depýtattary Ersultan Bekturǵanov pen Janat Jarasov Pavlodar oblysyna saparlary sheńberinde «Nur Otan» partııasynyń Ekibastuz qalalyq fılıalynda azamattarǵa qabyldaý júrgizdi. Ekibastuzdyqtar úshin eń ózekti másele – medısınalyq jár­dem qyz­meti bolyp tur eken. Ol me­dı­sınalyq qyzmet kórse­týdiń kepildi kólemin ulǵaıtý, dári-dármekterdiń sapa­sy, densaýlyq saqtaý mekeme­lerin me­dorgtehnıkamen qamta­masyz etý máseleleri. Májilismenderdiń qa­byl­daýyna kelgender múmkindigi shek­teýli jandarǵa memleket tarapynan kórsetiletin kómektiń naqty qarjymen jasalýyn ótindi. Sonymen birge, ekibastuzdyqtar qalada turmystyq zorlyq-zomby­lyqqa ushyraǵan áıelder men bala­larǵa arnalǵan ortalyqtyń joq­tyǵy men ómirdiń qıyndyǵyna ushy­raǵan áıelderge arnalǵan orta­lyq ashý qajettigin másele etip kóterdi. Ekibastuzdyqtardyń máse­le­lerin depýtattar baqylaýda us­tap, birqatary jergilikti jerde tú­sindirilip, keıbiri saýal retinde tıisti mınıstrlikter men agenttikterge jiberiletin boldy. Parlament Májilisiniń depýtaty Ámirhan Rahymjanov Shyǵys Qazaqstan oblysynyń Ulan aýdanynyń más­lı­ha­tyndaǵy «Nur Otan» partııasy depýtattyq fraksııasynyń múshelerimen kezdesti. Kezdesýge ShQO «Nur Otan» partııasy fılıaly tóraǵa­synyń birinshi orynbasary T.Tú­sipbekov, Ulan aýdanynyń ákimi B.Baıahmetov, «Nur Otan» partııasy Ulan aýdandyq fılıaly tóra­ǵasynyń birinshi orynbasary S.Asylbaev jáne aýdannyń máslıhat depýtattary qatysty. Á.Rahymjanov óńir depýtat­taryna Elbasy Joldaýynyń mańy­zy men partııanyń negizgi ju­mys maqsattary, Parlamenttiń zań shyǵarmashylyq qyzmeti jaıynda áńgimelep berdi. Depýtattar Májilistegi árip­testerine kóńilderindegi suraq­taryn qoıyp, tıisti jaýaptar aldy. Depýtat qyzmettik sapary barysynda Ýkraınka aýylyndaǵy mektep qurylysymen, «Jer-sý» qojalyǵynyń saıajaıy jáne Tavrııa aýylynyń áleýmettik meke­meleri, jıhaz jasaý sehy ju­mystarymen tanysyp, aýdan jáne aýyldyq okrýg ákimderimen kezdesti. Májilis depýtaty, «Nur Otan» partııasy parlamenttik fraksııasynyń múshesi Nurtaı Sabılıanov Shyǵys Qazaqstan oblysynyń shekaralas Zaısan jáne Kúrshim aýdandarynyń 15 eldi mekeninde saılaýshylarmen 18 kezdesý ótkizdi. Bul kezdesýler Zaısan aýda­nynyń Zaısan qalasy, Aınabulaq, Daıyr, Qýanysh jáne Qaınar aýyldarynda, Kúrshim aýdanynyń Saryóleń, Býrabaı, Maraldy, Kúrshim, Quıǵan, Aqsýat, Terekti, Qaljyr, Boran, Qoıtas aýyldarynda ótti. Depýtatpen kezdesýge kelgen turǵyndar kásipkerlikti damytýǵa arnalǵan nesıeniń qoljetimdi bolýyn qamtamasyz etý, jastardy jumyspen qamtý, turǵyn úı salý, jol jóndeý, aýyz sý, me­dı­sınalyq kómekti jaqsartý, aýrýhanalardy kúrdeli jóndeý, eldi mekenderdi gazben qamtamasyz etý, ınfraqurylymdy qalpyna keltirý, aýyl sharýashylyǵy ónimderin óńdeıtin kásiporyndar ashý, eńbek ótiline baılanysty eń tómengi zeınetaqyny arttyrý jáne basqa da áleýmettik máselelerdi kóterdi. Sonymen birge, turǵyndar shekara mańyndaǵy eldi mekender­di damytýǵa nazar aýdarylýyn su­rady. Saılaýshylarmen bolǵan kez­desýlerde halyq qalaýlysy Memleket basshysynyń halyqqa bıylǵy Joldaýy, Parlamenttiń zań shyǵarý qyzmeti, «Nur Otan» partııasynyń jumysy týraly jan-jaqty baıandap berdi. Kezdesýler barysynda N.Sa­bılıanov azamattardy óz ótinishteri boıynsha jeke qabyldaý júrgizdi, partııanyń aýdan­dyq máslıhattardaǵy fraksııa múshelerimen kezdesti jáne «Nur Otan» partııasy múshelerine jańa partııalyq bıletter tabys etip, eldi mekenderdiń áleýmettik nysandaryn aralap kórdi, dep habarlady Májilistiń baspasóz qyzmeti.