Alystaǵan saıyn bıikteıtin adamdar bar. El táýelsizdiginiń qalyptasýy kezeńinde kósemdik, kemeńgerlik bolmysyn tanytqan ult perzentiniń biri – jazýshy, Qazaqstannyń Eńbek Eri Ábish Kekilbaıuly. Qalamgerlik pen qaıratkerlik, memleketshildik pen otanshyldyq qasıetimen bıiktegen taýdaı tulǵanyń esimi ult tarıhyna da, el-jurt jadyna da umytylmastaı saqtalǵan.
El, ult tarıhy jóninde aqtaryla sóılegendegi sheshendigi men sýretkerlik sheberligi bite qabysyp, qazaq rýhanııatyna mol mura qaldyrǵan qalamgerdiń esimi Atyraý qalasyndaǵy №41 mektep-gımnazııaǵa berildi. Osyǵan oraı munaıly shahardyń «Samal» shaǵyn aýdanynda ornalasqan mektepte arnaıy is-shara ótti. Oǵan ustazdar men oqýshylar, qala ákimdiginiń, bilim men mádenıet salasynyń qyzmetkerleri, til janashyrlary men ata-analar qatysty. Qazir bilim ordasynda 800-den asa oqýshy bilim alady. Aldaǵy oqý jylynda munda «Ábishtaný oqýlary» baǵytymen qosymsha sabaq júrgizý josparlanyp otyr.
– Ábish Kekilbaıuly – qazaqtyń rýhyn kótergen, maqtanyshy bolǵan qalamger. Qalamgerlikpen shektelmeı, saıası iste de keń júregimen, darqan minezimen sózdiń qadirin, qasıetin tanytty. Saıası qaıratker retinde el táýelsizdigin nyǵaıtýdyń, memlekettilikti qalyptastyrýdyń, halyqty birlikke uıytý men ultqa adal qyzmet etýdiń úlgisin kórsetti. Bilim ordasynyń oqýshylary ult zııalysynyń adamı qasıetin boıyna sińirip, qoǵamnyń belsendi azamaty bolaryna senemin, – dedi Atyraý qalasy ákiminiń orynbasary Nurjan Ermuhanov.
Atyraý oblysy