Eski de jańa «Gúlder» ansambli

О́tken ǵasyrdyń 1968 jyly qurylyp, tek Qazaqstanda ǵa­na emes, jahannyń ózge mem­leketterinde ataǵy asqan «Gúl­­­­der» ansambli ańyzǵa aı­nal­ǵaly qashan. Gavanada ót­ken II Dúnıejúzilik stýdent jastar fes­tı­valinen keıin mártebesi bıik­tep, halyqaralyq deńgeıdegi júldelerge ıe bol­ǵan ansambl tarıhta ósh­pes ornyn qaldyrǵan bolatyn.

Qazaqstannyń belgi­li ár­tisteri Sara Tynysh­tyǵu­lo­va, Roza Rymbaeva, Qapash Qu­lysheva, Qaırat Baıbosynov, Aıjan Nurmaǵambetova, Maq­pal Júnisova, Naǵıma Es­qa­lıeva, Maıra Nurkenova, Je­­ńis Ysqaqova, Baqyt Sha­dae­va, Baqtııar Taılaqbaev, Sem­bek Jumaǵalıev, Gúlnár Sı­qymbaeva, Qanat jáne Aıt­kúl Qudaıbergenov syndy óner maıtalmandary shyǵarma­shy­lyǵyn «Gúlderde» bastady. Alǵashqy jetekshisi Qazaq­stan­nyń halyq ártisi Gúljıhan Ǵalıeva.

Taıaýda «Gúlder» ansambli­niń jańa quramy Almaty kó­rermenderi úshin Respýblıka saraıynda arnaıy konserttik baǵdarlama kórsetti.

Kórermen yqylasy erekshe bolyp, zalda ıne shanshar bos oryn qalmady. Kesh barysynda ansambldiń tarıhy men óner maıtalmandary týraly beınerolık kórsetilip, «Gúlderdiń» ónerdegi baǵyn­dyr­ǵan bıik belesteri tanystyryldy. Kópshilikke «Gúl­der» ansambliniń shyǵar­ma­shylyq murasynan eń úzdik qoıylymdary men túrli janr­daǵy jańa mýzykalyq-horeo­grafııalyq kompozısııalary umytylmas áser syılady.

Eske sala keteıik, byltyr tamyz aıynda Roza Baǵ­la­nova atyndaǵy «Qazaq­kon­sert» memlekettik kon­serttik uıymy aty álemge jaıylǵan shyǵarmashylyq ujymdy jań­ǵyr­tý jobasyn qolǵa alǵan. Ujym­ǵa shyǵarmashylyq oqý oryndarynyń túlekteri alynyp, tá­jirıbeli tálimgerler – bas ba­letmeıster retinde Anvara Sadyqova jáne jo­ba­nyń kórkemdik jetekshisi ári dırıjeri Serik Dáýletov sha­qy­rylǵan-tyn.

Aıta keteıik, 1 naýryz kúni Astana qalasynda an­sambldiń jańa quramynyń tu­saý­keser konserti bolyp ótti. Keshke qazaq estrada­synyń juldyzdary, «Gúl­der» ansambliniń alǵashqy so­lısteriniń biri, Qazaqstannyń halyq ártisi Roza Rymbaeva, Maqpal Júnisova, jas ánshi­ler Mádı Syzdyqov, Zarı­na Bojakova, Dıdar Ábdiha­lyq jáne Saltanat Meńdiǵa­lıeva, «TURAN» folklor­ly-et­­nografııalyq ansam­bli men «Step­pe Sons» alternatıv-fol­klorlyq toby qatysty.