Qýanysh alańy

Bochcha – dop oıyny, tirek-qozǵalys appa­ratynyń eń aýyr buzylystary bar balalar men eresekterge sportta ózin-ózi sy­nap kórýge múmkindik bere­tin birneshe paralımpıadalyq sport túr­leriniń biri. Mun­daı erekshe alań Pavlodar qalasynda alǵashqy ret paıda boldy. Qalalyq sport bólimi­niń bas­shysy Áset Ábiltaev­tyń aıtýynsha, quny 5 mln teń­ge­ge baǵalanǵan jobany «Stroı­Grýpp PVL» JShS sa­lyp shyqqan. Saıabaq ishin­de ornalasqandyqtan ba­la­lar taza aýada emin-er­kin tynystap, kez kelgen ýaqyt­ta oınaı nemese jat­tyǵa alady. Buǵan deıin múm­kindigi shekteýli jandar «Avto­mobılıst» sport kesheninde oınap kelipti. Álgin­deı ashyq alań – oblysta ázirshe ekeý ǵana. Buǵan deıin Aqsý qala­synda salynǵan.

Jattyǵý sharalaryna sport­­shylardyń ata-anala­ry da qatysady. Sebebi olar­dyń kómeginsiz oıyndy júr­gizý múmkin emes. Jattyq­tyrý­shy balaǵa dopty qalaı ustaý kerek ekenin, laqtyrý ádisi men mashyqtaryn úıretedi. Mundaı múmkindikke ata-analar dán rıza. «Bizdiń bala­larymyzǵa arnaıy alań sa­­lyp bergenine rızashylyǵymyz sheksiz. Arba­ǵa tańylǵan jas­óspirimderimiz endi zerik­peıtin boldy. Olar bul jerde bir-biri­men sóılesip, áleýmettik jaǵynan beıim­dele­di. Saıabaqta serýendep, taza aýamen tynys alý­dyń ózi ǵajap! Buǵan deıin balamdy oblys­tyq balalardy ońaltý ortalyǵyna jáne «Samal» ortalyǵyna ǵana apara alatyn­myn. Endi bos ýaqytymyzda osynda kelip turatyn boldyq. Tabıǵat aıasynda balalarymyz bir-birimen tanysyp, komandalyq oıynnyń ne ekenin túsinip, kádimgideı yntasy oıandy. Keleshekte úlken jarystarǵa qatysyp, ózge elderge baryp jatsa, biz úshin odan asqan baqyt joq», deıdi ana Larısa Kozlova.

Bochchamen turaqty aına­lysyp júr­gen Alı­­na­nyń jasy 28-de, byltyr atal­ǵan para­lımpıadalyq sport túrinen Qazaq­stannyń chempıony atanypty. Buǵan deıin Máskeýde úlken ja­rysqa qatysyp kel­genin maq­tanyshpen jetkizdi.

Halyqaralyq balalar kúnine oraı Astanada ótetin el chempıonatyna pavlodar­lyq bochcha sportyn serik etkender de qatysa­myz dep otyr. Ol básekede elimizdiń ár túpki­rinen 200-ge jýyq paralımpıadashy jınalady dep kútilýde. Al tamyz aıynda Polshada halyqaralyq oıyn uıymdastyrylyp, oǵan kerekýlik Daıana Nurǵazına men Vıktor Kojevnıkov jol tartpaq.

PAVLODAR