Oqý-aǵartý mınıstri Ǵanı Beısenbaev muǵalimderdi attestasııadan ótkizý máselesi qaıta qaralatynyn aıtty. Bul týraly mınıstr Taldyqorǵanda aǵartý salasynyń mamandarymen kezdesý barysynda málimdedi, dep habarlaıdy Egemen.kz.
«Muǵalimderdi testileýden ótkizý, attestattaý, áýrege salyp portfolıo jınatý máselesi qaıta qarastyrylady. Bıyldan bastap muǵalimder birinshi kezekte óziniń sanatyn dáleldeý úshin eshqandaı portfolıo jınaýmen aınalyspaıtyn bolady. О́ıtkeni bul - jemqorlyqqa ıtermeleıtin dúnıeler. Ananyń týystary jalǵan sertıfıkat alyp alady eken, mynanyń týystary orden, medal alady eken. Sóıtip, aqsha jınaıdy. Al ol eshkimge kerek emes. Negizi attestasııa - muǵalimniń jetistigi emes, muǵalimniń tabysy, oqýshynyń jetistigi arqyly baǵalanýy kerek. Ekinshiden, muǵalim qalaı serıtıfıkat alamyn demeı, oqýshynyń bilimimen aınalysýy kerek», dedi Oqý-aǵartý mınıstri Ǵanı Beısembaev.