Bıyl kúzde gandboldan kelesi jyly Parıjde alaýy tutanatyn jazǵy Olımpııa oıyndarynyń irikteý saıystary bastalady.
18-28 qazanda Qatardyń astanasy – Dohada ótetin erler arasyndaǵy týrnırdiń keshe jerebesi tartyldy. Qazaqstan V tobyna tústi. Qarsylastarymyz – Bahreın, Iran, Kýveıt, О́zbekstan jáne Japonııa quramalary. Birden aıta keteıik, bul komandalardyń barlyǵy da azýly. Máselen, Kýveıt Azııa chempıonatyda tórt márte (1995, 2002, 2004, 2006) top jaryp, bes ret (1979, 1983, 1987, 1989, 2008) júldegerler qatarynan kórindi. Japonııa 2 altyn (1977, 1979), 5 kúmis (1983, 1987, 1989, 1991, 2004) jáne 4 qolany (1993, 2000, 2010, 2020) enshiledi. Bahreınniń qorjynynda sary qurlyqtyń basty dodasynyń 4 kúmisi (2010, 2014, 2018, 2022) men 1 qolasy (1995) bar. Iran bir ret (2014) qolaǵa qol sozdy. Mine, osy jarystyń favorıtteri osylar. О́kinishke qaraı, Qazaqstan men О́zbekstannyń qol doby sheberleri Azııa chempıonatynda birde-bir ret jeńis tuǵyryna kóterile alǵan joq.