Mereke tún aýǵansha tolastamady

Adam aıaǵy sırekteý kele­tin má­de­nıet mekemesine qonaqtardy tar­­tý maqsatynda oılap tabylǵan jaq­­sy joba kópshilik sıpat alyp, dás­túrge aınalǵaly baı baǵ­dar­la­masymen qýantyp keledi. Bıyl da Halyqaralyq mýzeı kúni­ qarsańynda Almaty qalasy О́ńir­lik­ kommýnıkasııalar qyzmeti alańyn­da­ ­Memlekettik ortalyq mýzeı men­ «Almaty qalasy mýzeıler birles­ti­gi» ókilderi arnaıy baspasóz máslı­ha­tyn ótkizdi.

Quramyna 8 mýzeı kiretin «Al­ma­ty qalasy mýzeıler­ bir­les­tigi» ózge­she leppen ótkizetin ıgi dástúrin jetil­dire otyryp, «Tarıh. Tulǵa. Mýzeı» taqyrybynda aýqymdy máde­nı-kóńil kóterý sharasyn­ usyn­dy.­ «Mýzeıler Almaty qalasynyń rýha­nı jáne mádenı ómiriniń ajyramas bóligi bolyp tabylady. Biz­diń murajaılarǵa kelý­shi­ler arte­fakti­lermen tanysyp, olardyń tarı­hy men Almaty qalasynyń tarı­hy týraly bilip qana qoımaı, túr­li rýhanı-tarıhı jáne mádenı is-sharalarǵa qatysyp, oı-óristerin keńeı­tedi. Osyndaı aksııalardyń biri «Mýzeı túni» bolyp tabylady»,– dedi Almaty qalasy mýzeıler birlestigi dırektorynyń damý jónindegi orynbasary Qaırat Tarbaev.

Almaty mýzeıinde «Tiri mý­­­zeı»­ teatr­landyrylǵan qo­­ıy­lymy uıym­­­das­tyryldy. Ret­­ro stılde uıym­dastyrylǵan sha­ra­ tamasha­laı kelgen meımandy birden ótken kezeńniń sapar-saıahatyna shaqyrady. Kelgen­der­di qola dáýirindegi áıel, qazaq ba­tyr­lary, sondaı-aq Alash kezeńin­de­gi­ basqa da belgili tarıhı tulǵalar qar­sy aldy.

Is-shara baǵdarlamasynda S. Mu­­­q­­­­­a­­nov pen Ǵ.Músirepovtiń áde­bı-memo­rıaldyq mýzeı­ ke­sheninde jádi­gerler jaıly­ áserli áńgime aıty­lyp, qos­ klassıktiń ómiri men­ shyǵar­ma­shy­lyǵy boıynsha­ ta­nymdyq sóz­jumbaq oıyny usy­nyl­dy. Jazý­shylardyń ádebı mura­sy­men­ jaqsy tanys qala turǵyn­da­ry,­ stýdent jastar bilimin orta­ǵa­ sa­lyp, zeıini erek belsendi oqyr­man sy­­ı­lyq pen kitap ıelenip jatty. Kóp­shilikke qalamgerdiń ssenarııi boıyn­sha túsirilgen «Amangeldi», «Qyz Jibek» kór­kem­ fılmderi, jeke ómirin baıan­daı­tyn «Klassıktiń keshikken mahabbaty» atty derekti fılm kórsetildi. «Jańa ǵasyr» jastar teatrynyń akterleri Sábıt pen Ǵabıt rólinde oınady.

 Yqylas atyndaǵy halyq mýzy­ka­lyq aspaptar mýzeıinde jáne­ Mýltımedıaly dástúrli mýzy­ka­ ortalyǵynda dástúrli ánshi­ler­ Murat Ábýǵazy, Nurjan Jan­pe­ıisov, Ramazan Stamǵazıev, «Steppe Sons» modern etno-djaz toby­nyń­ qatysýymen konsert ótti. Mýzeı­diń­ ekspozısııalyq zaldarynda kelý­shilerdi Qorqyt, Qurmanǵazy, Aqan­ seri, taǵy basqa keıipkerler qar­sy aldy.

A.Baıtursynuly mýzeı úıin­de­gi bas­ty shara – «Ulttyń uly­ ustazy» atty­ tulǵanyń 150 jyldyǵyna oraı daıyn­dal­ǵan ujymdyq jınaqtyń tusaý­­keser rásiminiń jasalyp, syı­ǵa tartylýy boldy. Túngi mýzeıdi tamashalap kelgen mektep oqýshylary A.Baıtursynuly óleń­derin múdir­mes­ten jatqa oqyp­, jınalǵan jurt­ty súı­sin­tti. D.Qonaev mýze­ıinde, N.Tilendıevtiń memorıal­dy­ mýzeıinde de taqyryptyq eks­kýr­­sııalar, tanymdyq áńgime, ıntel­­lektýaldy kvest-oıyndar uıym­das­ty­ryldy.

«Osydan týra 18 jyl bu­ryn otandyq mýzeı keńis­ti­ginde alǵash ret erekshe iri oqıǵa oryn aldy – Qazaqstan Respýblıkasynyń Mem­le­­­ket­­tik ortalyq mýzeıi «Halyq­aralyq Mýzeı­ler kú­ni»­ kásibı merekesine arnal­ǵan­­ «Mýzeı túni» áleýmettik mańy­zy bar aksııasyn ótkiz­di»,­ – dedi óz kezeginde mýzeı­ dırektorynyń ǵylymı jumys­tar­ jónindegi orynbasary Ǵalııa Temirton. Ortalyq mýzeı­ge kelýshiler úshin «HHI ǵasyr­dyń­ ­­kóshbasshylary men tanymal tulǵalary. Birlesken shyǵarmashylyq» kórmesi resmı ashyldy. Munda kásibı qylqalam sheberleriniń shyǵarmashylyǵy tanystyryldy. Alýan túrli ta­qy­­rypty qamtyǵan mereke baǵ­­dar­­lamasyna sáıkes kelgen qonaq­tar mazmuny baı tartymdy kórme­lerdi tamashalaý­men boldy. Mýzeı qorynan usynylǵan «Er jigittiń bes qarýy boıynda»­ qarý-jaraq kórmesiniń ashylýy, Qazaq­stan sýretshiler pleneri qatysý­shylarynyń «Ulttyq mura – urpaqqa amanat» jobasy, sýret­shi­-dızaıner Aıdan Ábdý­baı­to­va­­nyń «Zerleý» topta­ma­sy­nyń etno­kórsetilimi – bıylǵy mere­keniń bas­ty jańalyǵy.

Bul kúni murajaı baǵdar­la­­ma­­­synda ınteraktıvti bilim­ berý baǵ­dar­lamalary, teatr­lan­dyrylǵan sabaq­tar jáne bala­lar­ǵa arnalǵan ekskýr­sııalar túrin­de­gi kóptegen aksııa­ birneshe joba­ny qam­ty­dy. «Arheolog ómiri­nen bir kún»,­ ınstallıasııa-kvest, «Úsh taqy­ryp­qa – úsh tarıh»,­ «Úsh dinniń erek­she tarıhı muralary: Tora, Bıb­lııa, Quran» – mýzeı sabaǵy, «Jeti qazyna», «Qazaqtyń áshekeı buıym­da­­ry», «Uly Jibek joly» – balalar kovorkıng ortalyǵyndaǵy shyǵar­ma­shylyq saǵattary, «Ushatyn keme­» qoıylymy almatylyqtar men qala­ qonaqtaryn bir sátke zeriktire qoı­mady.

Jyl saıyn óner týyn­dy­la­ryn­ qy­zyqtap kelgenderdiń qalyń shoǵy­ryn keń zaldarynda tolassyz qabyl­daıtyn Á.Qasteev atyndaǵy Memle­ket­tik óner mýzeıi aýqymdy sharasyn aýlada uıymdastyrylǵan sán­dik-qoldanbaly buıymdar jármeńkesimen qarsy aldy. Belgili sýret­shi Gúlmaral Tátibaevanyń «Great Qamzol» jáne «Ańyz» taqy­ryptyq tu­jyrymdamasymen únde­se­tin ınstallıasııalary birden mere­ke­lik­ kóńil kúı syılady. «Mýzeı túni – 2023» jobasy aıasynda kıiz basý óneri­ boıynsha sheberlik sabaǵyna te­gin qatysýǵa aldyn ala 20 sertı­fı­kat utys oıyny oınatylǵan bolatyn. Sondaı-aq «Mediker» kompanııa­sy­men birlesip, álemdik óner týyn­dylarynyń keıipkerleri ne­gizinde eń jarqyn jáne erekshe kostıýmge baıqaý jarııalandy. Jeńimpazdar kompanııa atynan baǵaly syılyqtar utyp aldy. Ekinti ýaqy­tynan bastap tún aýǵansha myń­da­ǵan adamdy qabyldaǵan Á.Qasteev mýze­ıindegi «Emdeý óner» kórmesi, «100 jaýhar» ekspozısııasy jáne «Qazaq­stannyń sándik-qoldanbaly óneri» turaqty zalynda taqyryptyq ekskýrsııalar, órnektep kıiz basý óneri, músin fıgýralaryn jasaý,­ sazbalshyqtan buıym jasaý sheber­lik­ saǵattary, «Inklıýzıvti Ekoart-ma­nıfest» sheńberindegi sheberlik sa­ǵaty, ıaǵnı plastık paketterden týyn­dy jasaý, kózdi baılap, ermek­saz­ben músinder jasaý, Sergeı Cher­vıakovtyń pantomııalyq teatry,­ Almaty Úndi klassıkalyq bı jáne ıoga ortalyǵy, pıanıst Láz­zat Álmuhambetovanyń erek­she­ shyǵar­ma­lary, Abaı atyndaǵy Ulttyq opera jáne balet teatry solısteriniń óne­ri kórermenderdi tańyrqatpaı qoı­mady.

ALMATY