Aqmola oblysynyń ákimi, Memlekettik rámizder jónindegi komıssııanyń tóraǵasy Sergeı Dıachenko ótkizgen májiliste Qazaqstan Respýblıkasynyń Memlekettik rámizderin nasıhattaý jáne qoldaný jónindegi memlekettik saıasattyń júzege asyrylýy barysy qaraldy.
Tý, Eltańba, Ánuran – tarıh qoınaýlarynan syr tartatyn, ulttyq erekshelikterimizdi sıpattaıtyn qymbat belgiler. Ol qoǵam múshelerin, jastar qaýymyn otansúıgishtikke, jańa jeńisterge jigerlendiretin jasampaz qýatqa ıe. Komıssııa múshelerinen bes jumys toby qurylyp, atqarylyp jatqan jumystardyń talapqa saı júrgizilýine uıytqy bolýda, dedi komıssııa tóraǵasy. Memlekettik rámizder standartqa saı aýystyryldy. Byltyrdan beri 1509 dana Tý, 1197 dana Eltańba satyp alyndy. Rámizderdiń 181 stendisi jabdyqtaldy.
Májiliste Selınograd, Arshaly aýdandary ákimderiniń orynbasarlary Berik Janbaev pen Beket Aqshineevtiń esepteri, oblystyq mádenıet basqarmasy bastyǵynyń orynbasary Bazarbaı Kákenovtiń habarlamasy tyńdaldy.
Aqmola oblysy.
Baqbergen AMALBEK.