Abaı oblysyndaǵy iri orman órtin sóndirý 18 saǵatqa jýyq ýaqyttan beri jalǵasyp jatyr. Jalyn 1100 gektar aýmaqty sharpyǵan, dep habarlaıdy Egemen.kz.
Sońǵy málimetter boıynsha, 23 mamyr kúni tańerteń Abaı oblysyndaǵy orman órtiniń aýmaǵy 1100 gektardy sharpydy. Oblys ákiminiń aıtýynsha, eldi mekenderge qaýip tónip turǵan joq. Qaýipti aımaqtan adamdardy shuǵyl shyǵarý úshin barlyq qyzmetter daıyn.
Saǵat 05:50-de Tótenshe jaǵdaılar departamenti men orman sharýashylyǵynyń kúshteri órt sóndirýdi jalǵastyryp jatyr.
Sondaı-aq MI-873 VSÝ tikushaǵy Astanadan saǵat 7:00-de ushady dep habarlandy.
Abaı oblysy Tótenshe jaǵdaılar departamentinen jeke quramnyń 68 adamy men 20 dana tehnıkasy, Shyǵys Qazaqstan oblysy Tótenshe jaǵdaılar departamentinen 30 adam men 7 tehnıka, orman sharýashylyǵynan 147 adam men 56 tehnıka, 4 adam jáne Oblystyń jergilikti atqarýshy organdarynan 56 dana tehnıka, sý tasyǵysh - 4 KamAZ tartyldy.
2023 jyldyń 22 mamyrynda «101» pýltine Altaı aımaǵyndaǵy «Aýyl» stansasynan 7 shaqyrym jerde, Novenkoıa aýylynda Borodýlıha aýdanynda qurǵaq shóp órtenip jatqany týraly habarlama túsken.