Memleket basshysy Qasym-Jomart Toqaev Italııa Premer-mınıstri Djordja Melonımen telefon arqyly sóılesti, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaev, eń aldymen, Emılııa-Romanıa aımaǵynda bolǵan joıqyn sý tasqyny saldarynan adamdardyń qaza tabýyna baılanysty Premer-mınıstrge jáne barsha Italııa halqyna kóńil aıtty.Áńgimelesý barysynda eki el basshylary saıası, saýda-ekonomıkalyq, ınvestısııalyq jáne gýmanıtarlyq salalardaǵy yntymaqtastyqty damytý perspektıvalaryn talqylady.Byltyr eki eldiń ózara taýar aınalymy 15 mıllıard dollarǵa jýyqtady. Elderimiz ekonomıkanyń túrli salasynda tyǵyz qarym-qatynas jasap keledi. Qazaqstanda Italııanyń 270-ten astam kompanııasy tabysty jumys istep jatyr.Sondaı-aq memleketter basshylary energetıka, kólik, ónerkásip kooperasııasy jáne aýyl sharýashylyǵy salalaryndaǵy birlesken jobalardy júzege asyrý aıasyndaǵy yntymaqtastyq perspektıvalaryn qarastyrdy.