Dúnıejúzilik densaýlyq saqtaý uıymynyń ókilderi adamzatqa COVID-ten de qaýipti jańa pandemııanyń qaýpi bar ekenin boljady, dep habarlaıdy Egemen.kz.
23 mamyrda Jenevada ótken jyl saıynǵy assambleıada DDU basshysy Tedros Gebreııýs jańa pandemııa qaýpin joqqa shyǵarýǵa bolmaıtynyn habarlady.
«Aýrý men ólim qaýpi joǵary COVID vırýsynyń basqa da nusqasy paıda bolýy múmkin», dedi uıymnyń bas dırektory.
Tedros Gebreııýs búkil álemdi bolashaqta qaýipke qarsy turýǵa daıyn bolýǵa shaqyrdy.Budan buryn habarlanǵandaı, DDU 5 mamyrda 2020 jyldan beri kúshine engen jahandyq koronavırýstyq pandemııa mártebesin joıý týraly sheshim qabyldady. Pandemııa 1150 kúnge sozylǵan edi.