22 mamyrda Qostanaı oblysynyń Obaǵan aýylynda jalpy bilim beretin mekteptiń on birinshi synyp oqýshysy óz-ózine qol jumsady. Oblystyq polısııa qyzmetkerleri bolǵan iske qatysty tergeý amaldary bastalǵanyn málimdedi, dep habarlaıdy Egemen.kz.
Qyzdyń denesin ákesi taýyp alǵan.
Er adam qala men aýyl arasynda jolaýshy tasymaldaýmen aınalysatynyn aıtty. Onyń aıtýynsha, sol kúni qaladan qaıtyp kele jatyp, úıdi aralap, terezeden qyzynyń asylyp qalǵanyn kórgen.
Ákesi onyń birneshe kún boıy olarmen sóılespeı, jabyq júrgenin aıtty.
Boıjetken 22 mamyr kúni UBT synaǵyna barýy kerek edi, biraq belgisiz sebepterge baılanysty barmaǵan.
Bilim basqarmasy mekteptiń 11-synybynda tórt-aq oqýshy bar ekenin túsindirdi. Oqýshylar arasynda eshqandaı qaqtyǵys baıqalmaǵan.
«Bul oqıǵaǵa qatysty ázirge eshqandaı túsinikteme bere almaımyz. Tergeý amaldary júrgizilip jatyr», dedi Uzynkól aýdany ákimdigi bilim bóliminiń basshysy Qaırat Álıev.
Aıta keteıik, óz-ózine qol jumsaý oqıǵasy bul aýdanda sońǵy bes jylda birinshi ret bolyp tur.