Kósh basynda – GGG men Qazaq style

Kásipqoı rıngte judy­ryq­tasyp júrgenine 17 jyldan asqan 41 jastaǵy GGG-diń ba­ǵyndyrmaǵan belesi joq. Sol aralyqta 45 kezdesý ótkizgen ol 42 márte jeńis toıyn toılady. 37 qarsylasyn nokaýtqa jiberdi. Kezinde Golovkın Mettıý Mak­lın, Kertıs Stıvens, Denıel Gıl, Martın Mıýrreı, Vıllı Monro, Davıd Leme, Domınık Ýeıd, Kell Brýk, Denıel Djeı­kobs, Vanes Martırosıan, Sergeı Derevıanchenko, Kamıl Sheremeta, Reta Mýrata syndy sańlaqtardy ońdyrmaı sabady. Onyń áli tek meksıkalyq Saýl Alvareske jetpedi. GGG Kaneloǵa eki ret ese jiberdi. Taǵy bir jekpe-jekte teń esep tirkeldi. Gena ár jyldary eń beldi tórt nusqanyń da altyn belbeýin ıelendi.

Ekinshi orynǵa Jánibek Álimhanuly kóterildi. 30 jas­taǵy qazaqtyń qaısar uly 2016 jyldyń qońyr kúzinde tusaý­keser kezdesýin ótkizgen. Sodan beri 14 ret sharshy alańǵa shyǵyp, barlyq básekelesinen ba­­sym tústi. Toǵyz aıqasta aı­­qyn basymdyq tanytty. Sońǵy ret Jánibek 13 mamyrda uly­­brıtanııalyq Stıven Bat­lerdi ekinshi raýndta uryp jyǵyp, WBO nusqasy boıynsha chempıondyq belbeýin sátti qorǵady. Sol jeńisinen keıin Qazaq style Saýl Alvares pen Djeremı Charlony jekpe-jekke shaqyrdy. Eger olar Álim­hanulynyń usy­ny­syn qabyl alsa, onda kórermender keremet bir jekpe-jektiń kýási bolary daýsyz.

Úzdikter ti­ziminde ta­ǵy bir otan­da­symyz bar. Ol – Meıirim Nursultanov. 29 shil­dede 30 jasqa tolǵaly otyrǵan qan­dasymyz da dál Jánibek Álim­hanuly sekildi óziniń kásipqoı bokstaǵy karerasyn 2016 jyly bastady. Qazirgi rekordy – 19 kezdesý, 19 jeńis, 11 nokaýt. Búgingi tań­da Meıirim WBC pen WBO nusqalarynyń reıtınginde – tórtinshi jáne IBF-ta altynshy oryndy en­shilep otyr.

Sondaı-aq The Ring jýrna­ly­nyń orta salmaqtaǵy TOP-ondyǵyna Haıme Mýngııa (Mek­sıka), Karlos Adames (Domı­nıkan Respýblıkasy), Lıam Smıt (Ulybrıtanııa), Sergeı Dere­vıanchenko (Ýkraına), Erı­slandı Lara (Kýba), Felıks Kesh (Ulybrıtanııa) jáne Krıs Iýbenk (Ulybrıtanııa) syndy bylǵary qolǵap sheberleri enip otyr.