Segizkózge jasalǵan sátti operasııa

«Áleýmettik medısınalyq saqtandyrý qory» KeAQ má­limeti boıynsha, MÁMS júıe­si aıasynda jasalǵan bul opera­sııanyń quny 5 mln teńgege jýyq somany quraıdy.

Qala turǵyny Gaýhar Ahme­tova ótken jyldan beri beli aýy­ryp, barlyq tekserýden ótedi. Quıymshaq tusyndaǵy shydatpas dertten aıyǵýdyń túrli amalyn qarastyrady. Túrkııa, Izraıl elderindegi dárigerlerge de habarlasady. Ondaǵy dárigerler operasııa quny 50 myń eýro turatynyn, biraq operasııa­dan keıin júrip ketetinine eshqandaı kepildik bere almaıtynyn aıtqan. Oılana kele ol medısınalyq kómek alý úshin Ulttyq neırohırýrgııa ortalyǵynyń dárigerlerine júginedi.

Sodan naýqasty jan-jaqty tekserýden ótkizgen mamandar operasııa jasaý joldaryn oılastyrdy.

«Segizkózdiń ishinde kishi-úlken dáretti, aıaqtyń qımyl-qozǵalysyn rettep turatyn nerv júıkeleri ornalasady. Al ol túgel alynsa, naýqasqa óte aýyr bolady. Biz jasaǵan ope­rasııanyń ereksheligi – isik­ti segizkózimen alyp tas­tap, ishindegi nerv júıelerin saq­tap qaldyq», dep túsindirdi neırohırýrg-dáriger Talǵat Kerimbaev.

Qýanyshqa oraı, operasııa sátti shyǵyp, dertinen aıyqqan elordalyq azamat aıaǵynan da júrip ketti.

«Myqty mamandar bizde de bar ekenine kózim jetti. Shy­nym­dy aıtsam, bulaı júrip ketem dep oılamadym. О́zimiz­diń otandyq dárigerlerdiń epti­ligine, biliktiligine bas ıdim. Aıtar alǵysym sheksiz!» deıdi jaǵdaıynyń jaqsy ekenin jet­kizgen G.Ahmetova.

Dárigerlerdiń aıtýynsha, bul erekshe operasııadan keıin naýqas emin-erkin júrip-tura alady. Buryn mundaı jaǵdaıda segizkózdi nerv júıelerimen qosa kesip tastaıtyn. Iаǵnı isikti alýdyń jalǵyz joly osy bolǵan. Alaıda ondaı operasııadan keıin naýqas arbaǵa tańylyp qalatyn.

Ulttyq neırohırýrgııa orta­lyǵynyń dárigerleri bul operasııany taǵy birneshe adamǵa jasap, aıaǵynan turǵyzǵan. Endi ǵylymı maqalalar jazyp jarııalaý arqyly bul operasııa jasaý ádisin álemdik deńgeıge jetkizýdi kózdep otyr. Jalpy, ortalyqta jylyna 4 myńnan asa operasııa jasalady, onyń ishinde omyrtqaǵa jasalatyn eń kúrdeli operasııalar da bar.