«Nick Jr» qazaqsha sóıleıdi

Aqparat jáne qo­ǵamdyq damý mınıstri Dar­han Qydyráliniń aıtýynsha, «Nick Jr» arnasy bıyldan bastap qazaq tilinde kórsetile bastaıdy.

«Qazaq tilindegi jańa arnanyń iske qosylýy memlekettik tildegi kontentterdiń sany men sapasyn arttyrýǵa óz septigin tıgizedi degen oıdamyz», deıdi mınıstr.

Jobanyń basty maqsa­ty – álemdik balalar men jasóspirim­der telearnalarynyń ónimderin qazaq tiline aýdarý arqyly mem­lekettik tildegi balalar konten­tin damytý.

2021 jyly «Nickelodeon» telearnasynyń 465 saǵattyq mazmuny aýdarylsa, 2022 jyly 345 saǵattyq ónim qazaq tilinde sóıleı bastady. Bıyl 481 saǵattyq mazmundy aýdarý josparlanyp otyr. Onyń ishinde 190 saǵat «Nickelodeon» arnasynyń kontenti jáne 291 saǵat «Nick Jr» arnasynyń kon­tenti qazaq tiline aýdarylady. Qazaq tiline aýdarylǵan kon­tenttiń aýdıojolaqtary arnaıy FTP-serverge júktelgen. Lı­senzııalyq quqyqtardyń merzimi – 2 jyl.

Darhan Qydyráliniń habar­laýynsha, qazaq tilindegi «Nickelodeon» baǵ­­darlamalaryn ta­ratý teledıdardyń pýltinde tildi aýys­tyrý arqy­ly júzege asy­ryldy. «Qazirgi ýaqytta «Nickelodeon HD» arnasy 100% lo­kalızasııalanǵan kon­tentti baǵdarlamalaýmen birqa­tar kabeldik operatorynan («Qazaq­telekom», «TVCom», «Beeline», t.b.) bólek efırge shyǵady. Bul ba­ǵyttaǵy jumystar aldaǵy ýa­qyt­ta da júıeli túrde jalǵa­sa bere­di», deı­di sala basshysy.

Mınıstrliktiń ulttyq múd­de­ni qorǵaý jolyndaǵy bul jobasy alǵash ret Ulttyq keńestiń birinshi otyrysynda aıtylǵan edi. Al 2022 – Balalar jyly jobanyń ekinshi bóligi iske asty. Atap aıtqanda, Aqparat jáne qoǵamdyq damý mınıstrligi «Nickelodeon» jáne «TiJi» kanaldarymen kelissózder júrgizip, yntymaqtastyq ornatty. Elimizdiń kabeldik operatorlary osy arnalardy qazaqsha kórsete bastady. «Nickelodeon»-nyń balalar men jasóspirimderge arnalǵan búkil álemge tanymal telearna ekenin eskersek, sheteldik belgili anımasııalardyń qazaqsha sóıleýi qazaqtildi balalar medıa kontentiniń kóbeıýine septigin tıgizeri anyq.