QR AShM Jer resýrstaryn basqarý komıtetiniń basshysy Murat Temirjanov BUU FAO sýbóńirlik Eýrazııalyq topyraq seriktestiginiń (EASP) tóraǵasy bolyp saılandy, dep habarlaıdy Egemen.kz.
Tashkentte ótip jatqan uıymnyń 6-shy plenarlyq otyrysynda qatysýshylar onyń kandıdatýrasyn qoldap, biraýyzdan daýys berdi.
Aıta keteıik, EASP Eýrazııalyq keńistiktiń 12 eliniń ókilderin biriktiredi, olar Qazaqstan, Túrkııa, Reseı, Armenııa, Ázerbaıjan, Belarýs, Grýzııa, Moldova, Qyrǵyzstan, Túrikmenstan, Tájikstan jáne О́zbekstan.
Uıymnyń negizgi mindeti − jer resýrstary, onyń ishinde topyraqty utymdy paıdalaný jáne olardyń degradasııasyna qarsy kúres salasyndaǵy óńirdiń erekshe máselelerin sheshý.