Aqtóbe oblysyndaǵy birneshe zeınetkerdiń 5 mıllıon teńgesin urlaǵan alaıaq ustaldy, dep habarlaıdy Egemen.kz.
Aqtóbe oblysy polısııa departamenti habarlaǵandaı, alaıaq egde jastaǵy áıelderge telefon soǵyp, týystarynyń oqys oqıǵaǵa ushyraǵanyn aıtyp, olardyń kómegi qajet ekenin túsindirdi. Saldarynan qarttar baryn berip, jıǵan-tergeninen aıyrylyp qalǵan.
Qylmystyń qurbandary - 83, 87 jáne 90 jastaǵy qart adamdar. Keltirilgen shyǵynnyń jalpy somasy 5 mıllıon teńgeden asady.
Jedel-izdestirý sharalary barysynda 18 jastaǵy Aqtaý qalasynyń turǵyny anyqtalyp, ustaldy. Qylmystyq kodekstiń 190-babynyń 3-bóligi, 4-tarmaǵy «Eki nemese odan da kóp adamǵa qatysty iri kólemde alaıaqtyq» boıynsha sotqa deıingi tergeý amaldary júrgizildi.