Memleket basshysy Soltústik Qazaqstan oblysyna jumys sapary aıasynda «RımQazAgro» JShS-niń qaǵaz ónimderin shyǵaratyn fabrıkanyń jumysymen tanysty, dep habarlaıdy Egemen.kz Aqordanyń baspasóz qyzmetine silteme jasap.
О́ndiris ornyn aralap kórgen Qasym-Jomart Toqaevqa fabrıka jumysynyń alǵashqy nátıjesi týraly baıandaldy. Kásiporyn jylyna 5 myń tonna qaǵaz ónimin óndire alady. Quıylǵan ınvestısııa kólemi – 2,5 mıllıard teńge. «Qarapaıym zattar ekonomıkasy» baǵdarlamasy aıasynda jobany sýbsıdııalaýǵa qarjy bólingen.
Qaǵaz ónimderi fabrıkasy – kópsalaly «Radýga» kompanııasyna qarasty kásiporyndardyń biri. Jalpy aýmaǵy 37,7 gektar bolatyn ındýstrııalyq keshende buǵan deıin halyq tutynatyn taýarlar men azyq-túlik shyǵaratyn birneshe kásiporyn ashylǵan. Qazirgi kezde óńir halqyn jyl on eki aı kókónis ónimderimen qamtamasyz etý úshin jylyjaı qurylysy júrip jatyr.
Prezıdent elimizde «qarapaıym zattar ekonomıkasyn» damytýǵa jáne halyq tutynatyn taýar túrlerin keńeıtýge erekshe mán beriletinin atap ótip, kásiporyn basshylyǵyna sáttilik tiledi.