Sımfonııalyq orkestr saltanaty

Oblys ákimi baspasóz qyz­metiniń málimetinshe, onyń materıaldyq-tehnıkalyq bazasyn nyǵaıtýǵa jergilikti bıýd­­jetten 14 mln teńge bó­lin­­bek. Quramynda ishekti, úr­meli, urmaly aspaptarda oı­naıtyn 30 mýzykanty bar ujym kúni keshe ónersúıer qa­ýymǵa Tal­dyqorǵanda kon­serttik baǵ­darlamasyn usyn­dy. Je­tisý­lyqtardy osy qýanyshty oqıǵamen oblys ákimi Beıbit Isabaev qut­tyq­tady.

«Búgin Jetisý oblysynyń mádenıetinde úlken jańalyq. Eki aıdyń ishinde estradalyq-sımfonııalyq orkestr qurý ońaı emes. Búgingi alǵashqy kon­­sertte mýzykanttar men jeke oryndaýshylar kó­rer­menge talanttaryn kór­setti. О́nerli ujymǵa úlken alǵy­symdy aıtamyn. Taldy­qorǵanda qurylǵan orkestr bolashaqta álemniń úlken sahnalarynda óner kórsetip, dúnıe júzi halqyn tánti etsin dep tileımin», dedi B.Isabaev.

Konsertte Jaıaý Musanyń, Shámshi Qaldaıa­qovtyń, Nur­ǵısa Tilen­dıev­tiń, Nu­rlan Baı­gózovtiń, Fran­ches­ko Sar­to­rıdiń, Álı Alpys­baevtyń shy­ǵarmalary oryndaldy.

Atalǵan óner ujymy ob­lystyq fılarmonııadaǵy «Big band» estradalyq orkes­tri­niń bazasynda jasaq­tal­dy. Orkestrdi sapaly kadr­­larmen qamtamasyz etý úshin oblystyń talantty mý­­zy­kanttary tartylyp, Qur­­man­ǵazy atyndaǵy ult­tyq konservatorııanyń, Chaı­kov­skıı atyndaǵy mýzyka kol­ledjiniń bıylǵy tú­lekteri qataryndaǵy jas mýzy­kant­tar óńirge shaqyrtylyp otyr. Orkestrdiń kórkemdik je­tekshisi – Mádenıet salasy­nyń úzdigi Danııar Jaqııanov, dırıjeri – Qaırat Halyqov, kompozıtory – talantty mýzykant Ilıa Bashkatov.

Jetisý oblysy