Bul kúnderi Argentına jasyl alańdarynda ótip jatqan fýtboldan 20 jasqa deıingiler arasyndaǵy álem chempıonatynyń toptyq kezeńi aıaqtalyp, pleı-off satysyna shyqqan quramalar anyqtaldy.
Jastar arasyndaǵy dop dodasynyń 1/8 fınalyna shyqqan 16 quramanyń ishinde ońtústiktegi kórshimiz – О́zbekstan fýtbolshylary da bar. A tobynda baq synaǵan ala taqııaly aǵaıyndardyń órenderi alǵashqy týrda Argentınadan 2:1 esebimen jeńilse de, keıingi oıyndarda Jańa Zelandııamen teń oınap (2:2), sońǵy týrda Gvatemalany jeńdi – 2:0. Osylaısha, úsh oıynda tórt upaı jınaǵan О́zbekstannyń jastar quramasy týrnır kestesinde Argentınadan (9 upaı) keıingi ekinshi orynǵa jaıǵasyp, pleı-off kezeńine tikeleı joldama aldy.
Endi olar 1/8 fınalda S tobynda ekinshi oryn alǵan Izraıl quramasymen kezdesedi. Sonymen qatar 1/8 fınalda AQSh – Jańa Zelandııa, Gambııa – Ýrýgvaı, Brazılııa – Týnıs, Kolýmbııa – Slovakııa, Anglııa – Italııa, Ekvador – Ońtústik Koreıa jáne Argentına – Nıgerııa quramalary oınaıdy.