Ulylyqqa ushtasqan ıgilik

Reseı «Sberbankiniń» basshysy German Gref Qazaqstan Respýblıkasynyń Tuńǵysh Prezıdenti – Elbasynyń kitaphanasynda bolǵan kezinde Djım Kollınzdiń «Ulylyqqa ushtasqan ıgilik» atty bestselleriniń qazaq tilindegi eksklıýzıvti nusqasynyń 100 danasyn syıǵa tartty. Reseı «Sberbankiniń» pre­zı­denti, basqarma tóraǵasy Ger­man Gref Qazaqstanǵa jasa­ǵan jumys sa­pary bary­synda Qazaqstan Respýb­lıkasynyń Tuń­ǵysh Prezıdenti – Elba­synyń kitaphanasynda boldy. Kitaphanada Memleket basshysy Nursultan Nazarbaevtyń jeke kolleksııasynan jınaqtalǵan eksponattarmen qatar, kitap qory aýqymdylyǵy jaǵynan búginde 20 myńnan asady. «Sberbank» bas­shy­synyń nazaryna Qazaqstan Prezıdentiniń ekspozısııalary usynyldy. Ekskýrsııa barysynda German Gref Elbasy kitap­ha­nasynyń mazmundyq quryly­mynyń erek­she­ligine tánti bolyp, Elbasynyń kitaphanasy jobasyn iske asyrý­daǵy ınno­vasııalyq kózqarasty erekshe atap ótti. Onyń basty ıdeo­logy – Qazaqstan Respýblıkasy Prezıdenti Keńsesiniń bastyǵy, Qazaqstan Respýblıkasynyń Tuńǵysh Prezıdenti – Elbasynyń kitaphanasy dırektorynyń min­detin atqarýshy Mahmud Qa­symbekov. German Gref kitaphanaǵa Djım Kollınzdiń «Ulylyqqa ushtasqan ıgilik» atty best­sel­leriniń qazaq tilindegi eks­klıýzıvti nusqasynyń 100 danasyn syılady. Eńbekti qa­zaq tiline fılologııa ǵylymdary doktorlarynyń kómegimen «Sber­banktiń» Qazaqstandaǵy enshiles banki aýdardy. Kitapty «Sberbank kitaphanasy» serııasynda «Sber­bank» AQ EB shyǵardy. German Gref kitapty tapsy­ryp turyp, onyń kezdeısoq tańdal­ma­ǵan­dyǵyn atap ótti. Djım Kollınz «Ulylyqqa ushtasqan ıgilik» kitabynda ıgilik isterin uly isterge ushtas­tyrǵan kompanııalardyń táji­rıbelerin talqylaıdy. Avtor osylaı ushtastyrý úshin qa­jetti faktorlardy, talaptar men mehanızmdi qarastyrady. Osyndaı úderis Qazaqstanda da: ıgilik isterdi uly bolashaqqa ushtastyryp damytýdaǵy óz strategııasyna sáıkes aldyǵa qoı­ǵan mindetterdi kezeń-kezeńi­men sheshý jáne kóterilý úderisi kórinedi. «Bul – qazaq tiline aýda­ryl­ǵan alǵashqy bıznes-kitap jáne «Sber­ba nktiń» qazaqstandyq kásip­kerlerdiń damýyna, sonymen qatar, eldiń kitaphana qorynyń qazaq tilindegi kitap­tarmen tolyǵýyna qosqan úlesi ekeni sózsiz. Biz al­daǵy ýaqytta respýblıkanyń iri kitaphanalary men jetekshi jo­ǵary oqý oryndaryna syıǵa tartý úshin osy kitaptyń 1000 danasyn shyǵarýdy josparlap otyrmyz. Bul korporatıvtik áleýmettik jaýapkershiligimizdiń mańyzdy jobalarynyń biri», – dep atap ótti Qazaqstandaǵy «Sberbank» basqar­ma­synyń tóraǵasy Aleksandr Kamalov. О́z kezeginde, Qazaqstan Respýb­lı­kasynyń Tuńǵysh Prezıdenti kitaphanasy Reseı «Sberbankiniń» Prezıdenti, basqarma tóraǵasy German Grefke jáne delegasııa múshe­lerine N.Á.Nazarbaevtyń «Jyl­dar men oılar» («Vremena ı dýmy»), «Erkin eldiń erteńi» («Býdýshee svobodnoı strany») atty tolǵamdary men qanat­ty sózderi toptastyrylǵan jınaq­taryn syıǵa tartty. «Qazaqstan Res­pýb­lı­ka­synyń Tuńǵysh Prezıdenti – El­basynyń kitaphanasy» mem­lekettik meke­mesi 2014 jylǵy naýryzda «Nazarbaev ortalyǵy» kóp fýnksııaly ǵylymı-taldamalyq jáne gý­manıtarlyq-aǵartýshylyq mem­le­ket­tik mekemesi jany­nan qu­ryl­dy. Kitaphanada ózi­niń mazmuny boıynsha sırek kez­desetin «Elbasynyń mobıldi kitaphanasy» jobasy iske asyrylyp, onda N.Á.Nazarbaevtyń 28 kitaby jınalǵan. Elbasynyń Kitaphanasy «Nazarbaev orta­ly­ǵynyń» jańa ǵımaratynda orna­lasqan. Álemdik deńgeıdegi iskerlik ádebıettiń birden bir ókili Djım Kollınzdiń eńbegin qazaq tilinde sóıletip otyrǵan «Sberbank Rossıı» AAQ – Reseıdiń eń iri banki jáne aldyńǵy qatar­daǵy jahandyq qarjy ınstıtýt­tarynyń biri. «Sberbank» úlesine búkil reseılik bank sektory aktıvteriniń úshinshi bóligi jatady. «Sberbanktiń» ulttyq ekonomıka úshin mańyzdy kredıtor jáne salymdar naryǵynda eń kóp úlesi bar ekendigi aıan. «Sberbank Rossıı» AAQ-tyń quryltaıshysy jáne negiz­gi aksıoneri – Reseı Federa­sııa­synyń Ortalyq banki, oǵan jarǵy kapıtalynyń 50 paıyz jáne bir daýys berýshi aksııasy tıesili. Banktiń qalǵan aksııa­larynyń 50 paıyzy reseılik jáne halyqaralyq ınvestorlardyń enshisinde. «Sberbank» qyz­met­terin dúnıejúzindegi 22 eldiń 110 mıl­lıonnan astam jeke tul­ǵa­sy jáne 1 mıllıonǵa jýyq kási­p­­oryndary paıdalanady. Bank­­tiń Reseıde 18 myńnan asa bólim­sheleri men ishki qury­lym­dyq bólimshelerinen turatyn eń aý­qymdy fılıaldyq jelisi bar. Al syrtqy sheteldik jelisi Uly­brı­tanııa, AQSh, TMD, Ortalyq jáne Shyǵys Eýropa, Túrkııa jáne taǵy basqa elderdegi enshiles bankterden, fılıaldardan jáne ókildikterden turady. «Sberbanktiń» halyqaralyq tobyna kiretin «Sberbank» AQ EB Qazaqstannyń qarjy nary­ǵynda turaqty túrde 7 jyl tabysty jumys istep keledi jáne aktıv­teriniń kólemi boıynsha Qazaq­standaǵy EDB arasynda 4 oryn­ǵa ıe boldy. Búgingi tańda «Sberbank» AQ EB-niń 107 qury­lym­dyq bólimsheden turatyn 15 fılıaldyq jelisi bar. Banktiń ortalyq ofısi Almaty qalasynda ornalasqan. Qanat ESKENDIR, «Egemen Qazaqstan». ALMATY.