Qazaq áni qytaı tilinde shyrqalady

Qazaqtyń 30 ániniń mátini qy­taı tiline aýdarylyp, arnaıy jınaqqa engizildi. Onyń tu­saý­keseri Beıjiń qalasynda ótti. Jınaqqa ózge de sazger­ler shyǵarmalarymen qatar Abaı Qunan­baıuly, Shámshi Qaldaıaqov, Nurǵısa Tilen­dıev, Al­tyn­bek Qorazbaev ánderi engen. Shyǵar­malar jı­naǵynyń qurastyrýshysy – belgili Qy­taı jazýshysy Ákbar Májıt. Bir­shama jyl buryn Ákbar myrza Abaı óleńderi men poemalaryn, qarasózderin qytaı tiline aýdarǵan. Qalamgerdiń aıtýyn­sha aýdarma jumysy ońaıǵa tús­pegen. Ánniń maǵynasymen qatar áýezdi yrǵaǵyn jetkizýde Á.Májıt aıanbaı ter tókken. Keı­bir shyǵarmalardy ol 40 jyl buryn aýdara bastaǵanyn aıtady. Tusaýkeser rásiminde «Jelsiz tún­de jaryq aı», «Aıttym sá­lem Qa­lamqas» syndy ánder oryn­dalǵan.

Aıta keteıik, qazaq ánderi qy­taı tilinde birshama ýaqyttan beri shyr­­qalyp keledi. Máselen, «Qar­lyǵash» ániniń sózi qytaı tiline tuń­ǵysh ret 1930 jyly aýda­rylǵan.

– Men bul eńbegimdi byltyr atalyp ótilgen Qazaqstan men Qytaı arasyndaǵy dıplo­ma­tııalyq qarym-qatynastyń 30 jyl tolýyna arnap otyrmyn. Pandemııa saldarynan jınaq dál ýaqytynda shyǵyp úlger­medi. Aýdarma jumysy ońaıǵa soqqan joq. Mundaı mereke eki halyqtyń rýhanııatyn jaqyndastyra túsedi. Qos kórshi memlekettiń dostyǵy, bereke-birligi máńgilik bolsyn dep tileımin, – deıdi Ákbar Májıt.