Ushý geografııasyn keńeıtý jáne halyqaralyq reısterdi ulǵaıtý maqsatynda Qazaqstan men Sıngapýr arasynda tikeleı áýe qatynasyn ashý boıynsha jumys júrgizilýde.
Osylaısha, Qazaqstan men Sıngapýrdyń avıasııalyq bılik organdary beınekonferens baılanys boıynsha kelissózder júrgizdi. Bizdiń delegasııany Qazaqstan Respýblıkasynyń Indýstrııa jáne ınfraqurylymdyq damý mınıstrligi Azamattyq avıasııa komıtetiniń tóraǵasy Talǵat Lastaev, Sıngapýr delegasııasyn Azamattyq avıasııa basqarmasynyń bas dırektory Han Kok Hýan basqardy.
Kelissózder barysynda otandyq tarap tikeleı reıster ashýǵa qyzyǵýshylyq bildirdi. Sıngapýrlyq avıakompanııalarǵa Qazaqstandaǵy «ashyq aspan» rejimin, onyń ishinde aýa bostandyǵynyń «besinshi dárejesi» quqyǵyn paıdalaný usynyldy. Sıngapýrlyq tarap «ashyq aspan» rejimin quptap, bul usynys sıngapýrlyq avıakompanııalarmen pysyqtalatynyn habarlady.
Taraptar 2023 jylǵy shildede sıngapýrlyq avıakompanııalar men «Sıngapýr – Changı» áýejaıynyń qatysýymen ótetin kezdesý sheńberinde áýe qatynasyn ashý máselelerin talqylaýdy jalǵastyratynyna kelisti.
Sonymen qatar Sıngapýr tarapy Sıngapýrdyń azamattyq avıasııa akademııasynda oqý múmkindiginiń bar ekeni týraly habardar etti.
Sondaı-aq bizdiń eldiń taraby «Eır Astana» áýekompanııasynyń eki el arasyndaǵy ushýlardy oryndaýdy bastaý jónindegi josparyn atap ótti.