Konsýltasııalardyń besinshi raýndy

Keshe Almatyda Qazaqstan, Tájikstan, О́zbekstan, Qyr­ǵyzstan jáne Túrikmenstan elderi úkimet basshylary oryn­basarlarynyń qatysýymen Rogýn GES-i qurylysynyń jobasy boıynsha konsýltasııalardyń besinshi raýndy bolyp ótti. Qazaqstan delegasııasyna Pre­mer-Mınıstrdiń birinshi orynbasary Baqytjan Saǵyntaev je­tek­shilik jasady. Kezdesý taqyryby jaǵalaý elderi ókilderi arasynda trans­she­karalyq sý resýrstaryn basqa­rý­dyń tetikterin talqylaý boldy. Qatysýshylar Rogýn GES-i jobasy boıynsha Dúnıejúzilik banktiń aldyn ala esebin qaras­tyrdy. Atap kórsetetin jaıt, Qazaqstan atalǵan esepti daı­yn­daýǵa belsendi túrde qatysty. Esepti daıyndaý barysy ózara konsýltasııalar almasý men talqylaýlar júrgizý úderisterimen erekshelendi. Kezdesý aıasynda Qazaqstan tarapy barlyq jaǵalaý elderiniń yntymaqtastyq tetikterin kú­sheı­tý bóliginde birqatar usynystar bildirdi. Kelissózder qorytyndysy boı­ynsha taǵy bir kezdesý ótkizý týraly ýaǵdalastyqqa qol jetki­zildi. Onda Dúnıejúzilik banktiń Rogýn GES-i jobasy boıynsha qo­rytyndy esebi qaralatyn bolady, dep habarlady Qazaqstan Res­pýblıkasy Premer-Mınıs­tri­niń baspasóz qyzmeti.