Bul kúnderi Ázerbaıjan astanasy – Bakýde taekvondodan álem chempıonaty ótip jatqany belgili. Jahandyq dodanyń ekinshi kúninde úsh otandasymyz da júldege qol jetkize almady.
Erler arasyndaǵy básekede daıangke shyqqan byltyrǵy «Belgian Open G2» halyqaralyq týrnıriniń jeńimpazy Samırhon Ababakırov (58 kg) 1/8 fınalda 20 jastaǵy Týnıs ókili Mohamed Djendýbıge jol berse, qyzdar saıysynda baq synaǵan Nuraı Qusaıynova da (67 kg) dál osy mejege kelip súrindi. Ol 1/8 fınalda 2019 jylǵy álem chempıonatynyń qola júldegeri, Gran-prı jarystarynyń úsh dúrkin jeńimpazy fransııalyq Magda Vıet-Henınnen aılasyn asyra almady.
Sonymen qatar 73 kg salmaqtaǵy el úzdigi Jansel Denız de jankúıerlerdiń senimin aqtaı almaı, júldege qol sozym qalǵan jerde súrindi. Shırek fınalda otandasymyzdyń jolyn Eýropa oıyndarynyń eki dúrkin qola júldegeri reseılik Polına Han kesti.