Qazaqstandaǵy bilim basqarmalarynda keshendi monıtorıng júrgiziledi. Bul týraly bilim salasynda sapany qamtamasyz etý komıtetiniń basshysy Ernur Dáýenov habarlady, dep jazady Egemen.kz.
Oqý-aǵartý mınıstrligi jergilikti atqarýshy organdardyń bilim salasyndaǵy qyzmetin úılestirý men ádistemelik basshylyqty júzege asyrý maqsatynda 5 maýsym men 5 shilde aralyǵynda bilim basqarmalarynyń qyzmetine keshendi tekseris júrgizedi.
Aıta ketsek, bul tekseris tek bilim basqarmalarynyń jumysyn qamtıdy, sáıkesinshe balabaqshalarǵa, mektepterge, kolledjderge jáne basqa da bilim berý uıymdaryna barmaıdy.
Zerdeleýdiń negizgi maqsaty - bilim berý júıesiniń damýyn tejeýshi faktorlardy jáne úzdik óńirlik tájirıbeni anyqtaý. Sondaı-aq monıtorıng barysynda mınıstrliktiń komıtetteri men departamentteriniń mamandary jáne onyń vedomstvolyq baǵynysty uıymdarynyń qyzmetkerleri ádistemelik kómek kórsetedi.