Dollardyń teńgege shaqqandaǵy baǵamy tómendedi, dep habarlaıdy Egemen.kz Qazaqstan qor bırjasynyń (KASE) málimetterine silteme jasap.
Kúndizgi saýdanyń qorytyndysy boıynsha dollardyń ortasha saralanǵan baǵamy 0,77 teńgege tómendep, 447,90 teńgeni qurady. Aıta keteıik, Ulttyq banktiń 2 maýsymdaǵy bir dollarǵa arnalǵan resmı baǵamy 448,72 teńgeni quraıdy.
Kurs.kz habarlaǵandaı, dál qazir Astananyń aqsha aıyrbastaý oryndarynda amerıkalyq valıýta orta eseppen 445,71 teńgeden satyp alynyp, 449,78 teńgeden satylyp jatyr. Almatynyń aqsha aıyrbastaý oryndarynda dollardy ortasha satyp alý – 446,02 teńge, satý – 449,48 teńge.