Memlekettik Rámizder kúnine oraı «Astana jastary» jastar resýrstyq ortalyǵynyń volonterleri «chellendj» uıymdastyrdy, dep habarlaıdy Egemen.kz.
Kópqabatty úılerdiń balkonyna tý ilý aksııasy jyl saıyn elimizde 4 maýsymda atap ótiletin Memlekettik rámizder kúni merekesine arnaldy.
«Búkil aýdandarǵa 330 tý berildi. Onyń 150-i Saryarqa aýdanyna bólindi. Qala boıynsha tý ilý jumysyna shamamen 50 adam qatysty. Qarsylyq tanytqandar bolǵan joq, turǵyndar bul chellendjdi óte jaqsy qabyldady. Bizdiń basty maqsatymyz oryndaldy dep oılaımyz», dedi Astana qalalyq jastar saıasaty máseleleri basqarmasynyń baspasóz qyzmeti.