Almaty qalasyndaǵy baqylaý-ótkizý beketinde polısııa qyzmetkeri abaısyzda áriptesin atyp jibergen, dep habarlaıdy Egemen.kz.
Anyqtalǵandaı, oqty 28 jastaǵy serjant atqan. Kýágerdiń aıtýynsha, polıseıler arasynda kıkiljiń bolmaǵan. Oqıǵa kezinde eki polıseı de as bólmesinde bolǵan. Kezdeısoq oq atylyp, saldarynan ofıser alǵan jaraqatynan sol jerde kóz jumypty.
«Búgin, 5 maýsymda qyzmettik qarýmen abaısyz áreket etý saldarynan polısııa qyzmetkeri áriptesine oq atqan. Alǵan jaraqatynan ofıser kóz jumdy. Atalǵan derek QR Qylmystyq kodeksiniń 104-baby boıynsha sotqa deıingi tergeýlerdiń biryńǵaı tizilimine tirkeldi. Tıisti saraptamalar taǵaıyndaldy», delingen qalalyq polısııa departamenti taratqan habarlamada.