Aqtóbe qalasynda eki jasóspirim sýǵa batyp ketti. Olar tyıym salynǵan jerde sýǵa shomylǵan, dep habarlaıdy Egemen.kz.
Jergilikti Tótenshe jaǵdaılar departamentiniń málimetinshe, Almaty aýdany Aqtóbe ferroqorytpa zaýyty aýmaǵyndaǵy kópir mańynda 2 jasóspirim sýǵa batyp ketken. Olar tyıym salynǵan aýmaqta shomylǵan.
«Qutqarýshylar oqıǵa ornyna jetken kezde 3 bozbalany aǵys alyp ketkeni belgili boldy. Bireýi óz kúshimen jaǵaǵa shyqqan. Al 16 jastaǵy eki jasóspirim júzý bilmegen. Súńgýirler saǵat 16:30-da jaǵadan 100 metr, tereńdigi 3,5 metr bolatyn jerden jasóspirimderdiń máıitin shyǵardy», dep habarlady oblystyq TJD baspasóz qyzmeti.