«Phenomenal kids»-ten bazarlyq

Qazaq tilinde ázirlengen «Phe­nomenal kids» jobasy arqyly baldyrǵandar áleýmettik jelide ertegi, besik jyryn tyńdaı alady. Sondaı-aq platformada balalardy damytýǵa arnalǵan kontent jarııalandy. Aıta keterligi, jobany ázirleýge ártister men elge tanymal belsendi azamattar úles qosqan. Munyń barlyǵyn jobanyń tanystyrylymynda ıdeıa avtory, prodıýser Azat Abyken tarqatyp aıtty.

– Biz bir top belsendi azamat­tyń basyn qosyp, otandyq balalar kontentin ázirledik. Bul dúnıemiz eń áýeli qazaq tilinde, sosyn aǵylshyn jáne orys tilin­de qoljetimdi. Bizdiń ónimdi el­ge tanymal ártister dybys­tady. Birinshi jınaqta áýenge ba­sym­dyq berdik. Ekinshi jınaqqa qa­zaq ertegilerin toptastyrdyq. Biz jańa dáýirdiń tehnologııa­ǵa beıim balalary aqparatty jyl­­dam qabyldaıtynyn bilemiz. Son­­dyqtan balaqaılarǵa túsinik­ti bolsyn degen nıette tas­pa­ǵa jańa nusqada 12 ertegi engizdik. Ertegilerdi de elge esimi belgili azamattar dybystady. Úshinshi jınaqta árıne balalardy damytatyn kontentter ázirledik. Iаǵnı munda balalar áýezdi án arqyly árip tanyp, sanaýdy, tústerdi ajyratýdy, tazalyq saqtaýdy úırenedi. Janýarlar álemimen tanysyp, tipti jańa mamandyqtar jaıynda aqparat ala alady. Biz balalarǵa sapaly kontent usynýdy mindetimiz dep sanadyq. Sondyqtan jobany óz kúshimizben, óz qarajatymyz­­ǵa bastadyq. Jobaǵa qoldaý kór­setken azamattarǵa alǵys aıtamyz. Bul biz iske asyrýǵa oqtal­ǵan úlken jumystyń birinshi satysy ǵana dep oılaımyz. Sondyqtan jyl sońyna deıin balalar kon­tentine beıjaı qaramaıtyn se­riktesterimiz paıda bolar degen úmittemiz. Jańa dáýirdiń balalary bizden áldeqaıda daryndy, shıraq ári myqtyraq. Solaı bolýy da zańdylyq. Balalar biz jasaǵan ónim arqyly áýeli qazaq tilinde erkin sóılep, sosyn orys tilinen buryn aǵylshyn tilin tóte úırene alady. Osy kontentti paıdalan­ǵan balalar básekege qabiletti bolyp je­til­se eken deımiz, degen joba je­tekshisi jobany úıles­tirý­ge úles qosqan shyǵarmashy­lyq ujym­­dy kópshilikke tanys­tyrdy.

Osy tusta jobanyń kompo­zı­­tory Ásker Abdrahmanov qazaq­sha balalar kontentin ázirleý ıdeıa­sy qalaı týǵanyn aıtyp ber­gen edi.

– Pandemııa kezinde meniń tuń­ǵyshym dúnıege keldi. Árı­ne otbasymyzdyń úlken-kishisi túgel balaǵa kóńil aýdardy. Sol tusta balamyzǵa qazaq tilin­de kontent keregin túsindik. Osy­laı­sha, birinshi besik jyryn jaz­dyq. Sosyn damytqyshty da­ıyn­dadyq. Ýaqyt óte kele bir­­shama sapaly dúnıe jınaldy. En­di osy­ny nege eldegi barsha ba­­laǵa usynbas­qa degen oı mazalady. Byltyr qa­rashada jobany myq­tap qolǵa alyp, osy kúnge deıin iske asyr­ǵan jumystardy top­tastyrdyq. ­Ázir­ge bizdiń ónim eki-úsh jasar bala­larǵa arnal­ǵan. Keleshekte mýlt­fılmderge kóńil aýda­ra­myz dep otyrmyz, deıdi ol.

Balalar qazaqsha kontent ar­qy­ly qazaqtyń salt-dástúrin, má­denıetin bilip, qorshaǵan ortany ana tilinde tanyp ósedi. Ol úshin birinshi kezekte qazaq tilindegi kontent ár alýan bol­sa, ony tamashalǵan bala ja­lyq­­paı, kerisinshe, qyzyqsa ıgi. Balalarǵa sapaly dúnıe usy­­nýdy oılaǵan «Phenomenal kids» jobasynyń avtorlary búl­dirshinderdiń talǵamyn elep-es­kergeni qýantady. Mysaly, joba úılestirýshileri daıyn ónim­di áýeli ózderiniń balalaryna usyn­ǵan. Iаǵnı sapaly dúnıege birinshi bolyp oń baǵa bergen – eresekter emes, búldirshinderdiń ózi. «Phenomenal kids». Kópshilik nege joba aǵylshyn tilinde ataldy dep oılasa kerek. Munyń sebebi, joba jetekshileri otandyq ónim­di halyqaralyq deńgeıde tanytýdy maqsat tutyp otyr. Qazaq tilindegi balalar kontentiniń janashyrlary jyl sońyna deıin ­bir ertegini Memleket basshysy ana tilimizde dybystasa degen nıette. Endeshe, biz de qazaq tilindegi balalar kontentin ázirleýge ún qos­qan belsendi azamattarǵa tabys tileımiz. Qulaqqaǵys retin­de aıtar bolsaq, «Phenomenal kids»-tiń balalarǵa arnalǵan sapaly dúnıeleri áleýmettik jelidegi bar­­­lyq platformada qoljetimdi.