Qyzylorda kósheleriniń birinde jeńil kólik júrgizýshisi belgilenbegen jerde joldy kesip ótpek bolǵan úsh adamdy qaǵyp ketti. Oqys oqıǵa saldarynan 60 jastaǵy áıel adam kóz jumdy, taǵy eki adam aýrýhanaǵa jetkizildi, dep habarlaıdy Egemen.kz.
Qaıǵyly oqıǵa oblys ortalyǵynda 5 maýsymǵa qaraǵan túni bolǵan.
«Túnde Abaı dańǵyly men Esenov kóshesiniń qıylysynda jeńil kólik ótýge tyıym salynǵan jerden ótpekshi bolǵan jaıaý júrginshilerdi qaǵyp ketti. Oqıǵa saldarynan bir adam oqıǵa ornynda qaıtys boldy, taǵy ekeýi túrli dene jaraqattarny aldy. Zardap shekken adamdar aýrýhanaǵa jatqyzyldy», delingen oblystyq Polısııa departamenti taratqan habarlamada.
Atalǵan derek QR Qylmystyq kodeksiniń 345-babynyń 3-bóligi boıynsha tirkelip, sotqa deıingi tergep-tekserýdiń biryńǵaı tizilimine endi.
«Júrgizýshi ustaldy. Tıisti saraptamalar taǵaıyndaldy, sotqa deıingi tergeý júrip jatyr», dep qosty vedomstvonyń baspasóz qyzmeti.