16-18 maýsym kúnderi dzıýdodan Astanada ótetin «Qazaqstan Barysy» «Grand Slam 2023» týrnırinde Qazaqstannyń erler quramasy qandaı quramda óner kórsetetini anyqtaldy.
Elordada kúsh synasatyn balýandar arasyndaǵy eń ataqtysy – Ǵusman Qyrǵyzbaev. 66 kılo salmaqta kúresetin qandasymyz 2021 jyly álem chempıonatynyń kúmis júldegeri atandy. Jansaı Smaǵulov (73 kılo) pen Islam Bozbaevtyń da (100 kılo) halyqaralyq arenalarda jıǵan tájirıbeleri mol. Olar qurlyqtyq deńgeıdegi jarystarda júlde alǵan. 73 kılo salmaqtaǵy Danııar Shamshaevqa da úlken úmit artylyp otyr. 21 jastaǵy jalyndy jastyń byltyr Astanada Azııa chempıony atanǵany esimizde. Sońǵy kezderi Grand-slem jáne Gran-prı dodalarynda jeńis tuǵyryna kóterilgen Nurqanat Serikbaev (60 kılo), Suńǵat Jubatqan (66 kılo), Abylaıhan Jubanazar (81 kılo) jáne Ǵalymjan Qyryqbaı da (+100 kılo) óz jankúıerlerin qýantady dep úmittenemiz.
Sondaı-aq basqa da balýan jigitter tatamıge shyǵady.