«Terrıkon alqabynyń» órenderi

Sondaı-aq mamandarǵa mıtap, dáris, kýrs, konferensııa formattarynda, al kásipkerlerge aksele­rator jáne ınkýbator arnaıy baǵ­darlamalar sheńberinde startap negizindegi oqytý is-sharalaryn jú­zege asyrý ústinde. Munyń basy-qasynda Qaraǵandy oblysynyń aqparattandyrý, memlekettik qyz­metter kórsetý jáne arhıvter bas­qarmasy tur. Atqaralyp jatqan aýqymdy ister aqysyz negizde usy­nylady.

Qazirge deıin 300-den astam oqy­tý is-sharasy ótip, 270 kom­pa­nııa ınkýbasııalyq jáne akse­le­rasııalyq baǵdarlamalardan sát­ti ótti. Onyń ishinde «Terrıkon alqaby» logıstıkalyq qyzmet­ter, medısınalyq tehnologııalar salasyndaǵy jobalarǵa nólden bastap 350 myń dollardan astam somaǵa satylym jasaýǵa tikeleı kómektesti. О́tkizilgen dáristerdiń árqaısysy jas mamandarǵa IT, mar­­ketıng jáne bıznes baǵyttary týraly kóbirek bilýge, salany tú­sinýge, qajetti daǵdylar men bilim­di úırenýge, sondaı-aq paı­daly bastamalardy qurý úshin bıznes qaýymdastyq pen yq­pal­dastyqqa tyń múmkindik ber­di. Mamandar óz kezeginde árip­tes­teriniń tájirıbesin qabyldap, túr­li keısterdi zerttep, seriktester men ınvestorlardy taýyp, óz kom­panııalarynyń ósýi men aýqymy úshin jańa múmkindikterdi ıgere aldy. Bolashaqta alǵan biliminiń arqa­synda is-sharaǵa qatysýshy­lar Qaraǵandyda IT jáne kásipker­lik salasyn derbes damytady. Osy­laısha, qalaǵa materıaldyq qara­jat tartyp, ulǵaıtady degen boljam bar.

«Terrıkon alqabynyń» taǵy bir bilim jobasy – «Terrikon school» baǵdarlamalaý mektebi atap ótý­ge turarlyq. Mekteptiń aıryq­sha ereksheligi – kýrstardy tek qa­zir­gi baǵdarlamashylar ǵana oqy­ta­dy. Al baǵdarlamanyń ózi daǵdylar­dy praktıkalyq shoǵyrlandyrý­ǵa jáne mamandyqty shyndyq­qa jaqyn jaǵdaıda zertteýge baǵyt­talǵan. Oqý aıaqtalǵannan keıin qatysýshylar «Junior» daıyndyq deńgeıin rastaıtyn sertıfıkattar ıelenedi.

IT-habta kovorkıng, podkos­tern, lektorııalar, konferens-zal jáne kelissóz bólmeleri bar. Osy­nyń bári rezıdentterge jumys kú­nin sapaly uıymdastyrýǵa jáne shy­ǵarmashylyq áleýetin júzege asy­rýǵa jol ashady.

«Terrıkon alqabynyń» sońǵy jetistikteriniń biri retinde baǵ­darlama túlekteriniń Kremnıı alqa­byndaǵy oqýǵa qatysýyn aıtýǵa bolady. Qazaqstan men Dúnıejúzi­lik banktiń sıfrlyq damý, ınnovasııalar jáne aeroǵarysh ónerká­si­bi mınıstrliginiń bastamasymen, sondaı-aq «Astana Hub» jáne «Draper University» arasyndaǵy yn­tymaqtastyqtyń arqasynda 15 startaptyń negizin qalaýshy AQSh-qa oqýǵa attandy.

– Munda IT mamandardyń damýy úshin tegin is-sharalar ót­ki­zýmen ­aınalysamyz. Ártúrli kon­ferensııa, kezdesý, master-klass­ jáne jańa tehnologııaǵa saı ma­­man­dardy daıyndaý jumysy júr­giziledi. Olardyń biri – akselerator jáne ınkýbator joba­sy. Qazirgi ýaqytta «Terrıkon al­qaby» ortalyǵynda 60-70 oryndy qamtıtyn eki dárishana bar. Sondaı-aq aqyly jáne tegin túr­de kovorkıng jáne podkast-stýdııalar jumys isteıdi. Bizdiń bas­ty maqsatymyz – 2025 jylǵa de­ıin 10 myń IT maman daıarlaý. Ol úshin qalamyzdyń ýnıversıtetteri men kolledjeri arasynda ózara baılanysty nyǵaıtamyz, – deıdi ­«Ter­­rıkon alqaby» IT-habynyń dı­rek­tory Sabyr Nııazov.

QARAǴANDY