Jastardy baspanamen qamtamasyz etý maqsatynda oblys ákimdigi men «Otbasy banki» aksıonerlik qoǵamy birlesip qolǵa alǵan joba alǵashqy nátıjesin bere bastady. Baǵdarlama aıasynda jeńildikpen nesıe alýǵa qol jetkizgen alǵashqy 10 jasqa oblys ákimi sertıfıkat tapsyrdy.
Baǵdarlamany júzege asyrý úshin oblystyq bıýdjetten – 500 mln, bank tarapynan 250 mln teńge qarastyryldy.
Naýryz aıynan beri júrgizilgen aqparattandyrý jaqsy nátıjesin kórsetip otyr. О́ıtkeni baǵdarlamaǵa qatysýǵa 350-den asa ótinish túsken. Biraq baǵdarlama krıterıılerine sáıkes 75 ótinish qabyldanyp, sonyń 69-y iriktelip alyndy. О́tinimderdiń basym bóligin bilim berý salasynyń ókilderi qurady, ıaǵnı, 55 ótinish oblys aýmaǵyndaǵy mektep, kolledj ustazdarynan, 13 ótinim densaýlyq salasynyń jas mamandarynan, qalǵandary sport, mádenıet, buqaralyq aqparat quraldary men áleýmettik sala qyzmetkerlerinen tústi.
Qazirgi ýaqytta «Otbasy banki» 29 jastyń tólem qabiletin rastap, nesıe ótinimin maquldady. Olardyń arasynan 10 jasqa sertıfıkat tapsyryldy.
«Biz aldaǵy ýaqytta baǵdarlama aıasyn keńeıtýge sheshim qabyldadyq. Kelesi jyly baǵdarlama qatysýshylary qataryna kommýnaldyq kásiporyndar jumyskerlerin, aýyl sharýashylyǵy salasynyń jáne memlekettik qyzmetkerlerdi de qosýdy josparlap otyrmyz», dedi oblys ákimi B.Ábdiǵalıuly sertıfıkat tapsyrý saltanatynda sóılegen sózinde.
Jıynda jeńildikti nesıege qoldary jetken jastardyń alǵysyn Jezqazǵan qalasyndaǵy Abaı atyndaǵy mektep-ınternattyń geografııa pániniń muǵalimi Dıas Kópeshov jetkizdi.
Jezqazǵan