Memleket basshysynyń Jarlyǵymen Altaı Seıdiruly Kólginov Qazaqstan Respýblıkasy Premer-mınıstriniń orynbasary laýazymynan bosatyldy, dep habarlaıdy Egemen.kz Aqordanyń baspasóz qyzmetine silteme jasap.
Altaı Seıdiruly 1978 jyly dúnıege kelgen. Ol A.Iаsaýı atyndaǵy halyqaralyq qazaq-túrik ýnıversıtetin, Qazaqstan Respýblıkasy Prezıdenti janyndaǵy memlekettik basqarý akademııasyn, «Bolashaq» baǵdarlamasy boıynsha Ulybrıtanııanyń Aberdın ýnıversıtetin bitirgen. Memlekettik jáne jergilikti basqarý magıstri, halyqaralyq kommersııalyq quqyq magıstri.
2000 jyly Qazaqstan Respýblıkasynyń Qarýly kúshterinde qyzmet etken.
2001-2008 jyldary Qazaqstan Respýblıkasy Ádilet mınıstrligi, Memlekettik qyzmet isteri Agenttigi jáne Bas prokýratýra organdarynda ár túrli laýazymda qyzmet atqarǵan.
2008-2010 jyldary - «AlashMedıaGrýpp» JShS bas dırektorynyń orynbasary.
2010-2012 jyldary Qazaqstan Respýblıkasy Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory qyzmetin atqardy.
2012-2013 jyldary Batys Qazaqstan oblysy ákiminiń orynbasary.
2013-2016 jyldary Oral qalasynyń ákimi qyzmetinde boldy.
2016 jyldyń 26 naýryzynan Batys Qazaqstan oblysynyń ákimi qyzmetin atqardy.
2019 jyldyń 13 maýsymynda Astana qalasynyń ákimi bolyp taǵaıyndaldy.
2022 jyldyń 9 jeltoqsanynda Premer-mınıstrdiń orynbasary laýazymyna taǵaıyndalǵan edi.