Qarjy mınıstri Erulan Jamaýbaev Májilis kýlýarynda Tuńǵysh prezıdent keńsesi jaqyn arada jumysyn toqtatatynyn aıtty, dep habarlaıdy Egemen.kz.
Qarjy mınıstriniń sózinshe, qyzmetkerlerdiń bir bóligi ózge uıymdarǵa aýyssa, qalǵany qysqartylady.
«Ol qazir qaıta qurylymdaý kezeńinde. Sonyń aıasynda adamdar ózge jumysqa aýysady nemese jumystan shyǵarylady. Onyń bári Eńbek kodeksiniń aıasynda júzege asady. Bul keńsege ǵana emes, kez kelgen qyzmetkerge qatysty. Aldyn ala habarlama berilýi kerek, ıaǵnı ol jerde jumys orny jabylatyny týraly habarlanýy qajet», dedi Jamaýbaev.
Mınıstrdiń aıtýyna qaraǵanda, keńseniń qaıta qurylymdaýynan 2-3 mıllıard teńge qalady.
Al onyń qaıda jumsalatyny bıýdjetti retteý kezinde anyqtalady.
Nursultan Nazarbaev keńsesi qaıda ornalasatynyn Jamaýbaev bilmeıtin bolyp shyqty.