Tótenshe jaǵdaılar jónindegi jedel shtabtyń otyrysy tabıǵat apaty kezinde qaza tapqan azamattardy bir mınýt únsizdikpen eske alýdan bastaldy, dep habarlaıdy Egemen.kz Aqordanyń baspasóz qyzmetine silteme jasap.
«Alda aýqymdy jumys bar. Jalpy, bul salada túıtkilder, sheshilmeı jatqan máseleler az emes. Qazirgi tańda negizgi mindet – jumysty sapaly júrgizý. Bul – eń aldymen, osyndaı apattarǵa jol bermeý qajet, sonymen qatar tótenshe jaǵdaı bolǵan kezde tıisti sharalar joǵary deńgeıde uıymdastyrylýy kerek degen sóz. Bizdiń jaǵdaıymyzda kásibı salǵyrttyq, adamdardyń taǵdyryna múlde nemquraıdy qaraý baıqaldy. Qazir buǵan taǵy da kóz jetkizdim. Al, qazirgi tańda sapaly, durys jumys atqarylyp jatqan joq. Muny moıyndaýymyz kerek. Bir sózben aıtqanda, bul salanyń jumysyn túbegeıli jaqsartý qajet. Mınıstrlik, onyń basshylary óz qyzmettik mindetterine selqos qaraıdy. Ne isteý kerek ekenin bilmeıdi. Shuǵyl sheshimder qabyldamaıdy. Sondyqtan osyndaı apattar oryn alyp otyr», dedi Memleket basshysy.
Sonymen qatar Prezıdent jańa Tótenshe jaǵdaılar mınıstrin taǵaıyndaǵanyn tilge tıek etti.