Topograftar kásibı bilimin tolyqtyrdy

Is-sharalar «Astana» óńirlik qolbasshylyǵynyń Spassk oqý ortalyǵynda jáne departament­ke baǵynysty 92835 áskerı bóli­min­de ótti. Oǵan qatysýshylarǵa qysqy oqý kezeńindegi topo­geo­dezııalyq qamtamasyz etýdi taldaý nátıjeleri aıtylyp, 2023 jyl­ǵy jazǵy oqý kezeńine naq­ty mindetter qoıyldy. Topo­geo­dezııalyq aqparatty paıda­la­nýdy uıymdastyrý jáne áskerı maq­sattaǵy geoaqparattyq júıeler­ge arnalǵan dárister, sondaı-aq topogeodezııalyq aqparatty esepke alýdy, saqtaýdy, berýdi jáne paıdalanýdy uıymdastyrý boıynsha nusqaýlyq-ádistemelik sabaqtar ótti.

Bul qyzmet túriniń mamandary dóńgelek ústel formatyn­da áskerlerdi jaýyngerlik qam­tama­syz etý júıesindegi geo­ke­ńistikti barlaýdyń róli men or­nyn tal­qylady. Otyrysqa qaty­sýshy­lar topo­geodezııalyq qam­tamasyz etý­diń qaıta óńdelgen basshylyq qujat­tary men topo­geodezııalyq aq­parat alýdyń zamanaýı qural­da­ryn qoldaný týraly pikir almasty.

Praktıkalyq sabaqtarda qyz­met mamandary zymyran áskerleri men artıllerııanyń, sondaı-aq áýe shabýylyna qarsy qorǵanys áskerleriniń atys jáne ushyrý pozısııalaryn topogeodezııalyq baı­lanystyrýdy daıyndaý men júr­gizý máselelerin pysyqtady. De­rekter joǵary dáldiktegi topo­geodezııalyq aspaptardyń kóme­gimen alyndy. Ofıserler geo­aqparattyq júıede ártúrli min­detterdi sheshý boıynsha prak­tıkalyq jumystardy oryndady.

Jıyn aıaqtalǵannan keıin q­a­ty­sýshylar áskerı topografııa­ny bilý úshin testileýden ótti.