«Coursera»-nyń qazaqsha dáristeri

Kezdesýge jobaǵa qatysýshy 25 aımaqtyq ýnıversıtettiń rektorlary, prorektorlary jáne stýdentteri jınaldy. Olar óńir­degi oqý oryndarynyń akade­mııa­lyq áleýetin arttyrýǵa baǵyt­tal­ǵan jobanyń alǵashqy nátıjelerin úlken qyzyǵýshy­lyqpen talqylady.

«Astana IT University» ǵımara­tyn­da bolǵan kezdesýge Ǵylym jáne joǵary bilim mınıstri Saıasat Nurbek, «Qazaqstan hal­qy­­na» qoǵamdyq qorynyń tór­a­ǵa­sy Bolat Jámishev, «Coursera» kom­panııasynyń bas atqarýshy dırektory Djeff Madjonkalda, «BMG Upskill» kompanııasynyń basshysy Raýan Kenjehanuly jáne basqalar qatysty.

Djeff Madjonkalda bola­shaqtaǵy bilim men eńbek nary­ǵyndaǵy múmkindikter, ózgeris­ter, jańashyldyqtar týraly oıymen bólisti. «Biz joǵary oqý oryndary stýdentteriniń sıfrlyq ekonomıkada órkendeýi úshin mańyzdy daǵdylardy damytýda Ǵylym jáne joǵary bilim mınıstrligimen kúsh birik­tirgenimizge qýanyshtymyz. Bul yn­tymaqtastyq – eńbek nary­ǵyn­daǵy quzyretterdi damytatyn bilim berý baǵdarlamalary men qyz­metterine degen suranys­tyń dáleli. Ári bul joǵary bilim júıeleri stýdentter kon­tıngentin «Coursera» kómegimen kásibı daǵdylarǵa qalaı úırete alatynynyń tıimdi modeli retin­de qyzmet etedi», dedi ol.

– Bul joba jergilikti stýdentterge zamanaýı bilim alyp, jańa trendterdi meńgerýge jol ashady. Naryqta biliktiligi jo­ǵary ári suranysqa ıe maman atanýyna, sondaı-aq qazaq tiliniń ózektiligin arttyrýǵa múmkindik beredi. 2023 jyly túlekterdiń 75 paıyzy UBT-ny qazaq tilinde tapsyrǵandyqtan, álemdik úzdik kýrstardyń mazmunyn qazaq tiline aýdarý mańyzdy. Ári bul qazaq tilin qoldanatyn talapkerler sany aıtarlyqtaı ekenin kórsetedi. Kórsetkish jyl sanap arta túseri anyq, – deıdi «Qazaq­stan halqyna» qoǵam­dyq qorynyń tóraǵasy Bolat Jámishev.

Saıasat Nurbektiń aıtýynsha, búgingideı jahandaný men sıfrlandyrý jaǵdaıynda halyqaralyq eńbek naryǵyndaǵy básekeniń artýy ulttyq bilim berý júıesiniń ashyq ári básekege qabiletti, úzdiksiz oqý men kásibı daǵdylardy damytýǵa jol ashatyn ıkemdi úlgisine qajettilik týdyrdy. «Biz «Coursera» qazaq tilinde» jobasy aıasynda álemniń eń úzdik professorlarynyń kýrstaryn qazaq tiline aýdarýdy bastadyq. Bul – elimizdiń bolashaǵy, tilimizdiń áleýeti, bilim sapasyn kóterý turǵysynan alǵanda óte mańyzdy bastama», dedi mınıstr.

Eske sala keteıik, «Qazaqstan halqyna» qoǵamdyq qory men Ǵylym jáne joǵary bilim mınıstrliginiń qoldaýymen «Coursera» qazaq tilinde» jobasy aıasynda 654 kýrs qazaqshaǵa aýdarylyp, elimizdegi 25 óńirlik joǵary oqý ornynyń stýdent­terine usynylady. Qazirgi tańda bul ýnıversıtetterde 155 myń stýdent bilim alady.

Kýrstardy qazaq tiline aýdarý jumysy «Coursera»-nyń tehnıkalyq jáne ádistemelik qoldaýyna súıene otyryp júzege asyrylyp jatyr. Qazir 50 kýrs qazaq jáne orys tilderine tolyqtaı aýdarylyp, platformaǵa júktelgen. Aýdarma jumysy jalǵasa beredi. Kezekti 50 kýrstyń aýdarmasy da aıaqtalýǵa taıaý. Jaqyn kúnderi olar da platformaǵa júkteledi.

Qazirgi tańda aımaqtyq oqý ornynyń stýdentteri birneshe kýrs­ty aıaqtady. Bul rette kýrs­tardy stýdentterdiń 11 358-i – qazaq tilin­de, 8 653-i – aǵylshyn tilin­de, 6 096-y orys tilinde ót­ken. Jer­­gilikti stýdentter ara­syn­da «Kásip­kerlik: kásiptiń negi­zin qa­laý», «Komandalarǵa jetek­shilik etý: kóshbasshy retin­de damý», «21 ǵa­syr jumys ornyn­daǵy qa­rym-qatynas», «Kásibı jáne jeke ónim­dilikke arnal­ǵan ýaqytty bas­qarý», «Inje­nerlerge arnalǵan dıffe­rens­ıaldyq teńdeýler», «Prob­lemany tıimdi sheshý jáne sheshim qabyldaý» dep atalatyn kýrstar joǵary suranysqa ıe ekeni anyqtaldy.

«Coursera»-nyń Qazaqstan­daǵy jergilikti resmı seriktesi – «BMG Upskill» kompanııasy. Kompanııa «Coursera-Qazaqstan» platformasyn daıyndap, óńirlerdegi ýnıversıtetterde «Soursera» ortalyqtaryn (kompıýterler men qurylǵylar) qurdy.