Búgin Úkimet otyrysy Abaı oblysyndaǵy orman órtinen qaza tapqan azamattardy bir mınýttyq únsizdikpen eske alýdan bastaldy, dep habarlaıdy Egemen.kz.
Abaı oblysynyń ákimi Nurlan Uranhaevtyń baıandamasyna sáıkes:
Búgingi tańda órttiń jalpy aýdany shamamen 60 myń gektardy quraıdy, onyń 43 myń gektary belsendi termo núkteler. Eldi mekenderge qaýip joq. О́rtti sóndirý 3 baǵytta jalǵasyp jatyr. Shyǵysta, aýyr tehnıkamen órtke qarsy úzilister jasaý úshin ormandy kesý júrgizilýde. Basqa ekeýi boıynsha jetý qıyn jerlerdi eskere otyryp sóndirý jaıaý jáne tikushaqtarmen júzege asyrylady. Jalpy, órtti joıýǵa 1788 adam, 345 birlik tehnıka jáne 15 tikushaq jumyldyryldy. Tehnıkany otynmen qamtamasyz etý úshin ákimdik 20 tonna JJM jiberdi, taǵy 50 tonna Kaz Minerals kompanııasy esebinen qamtamasyz etiledi. Qazirgi ýaqytta Bulaq, Talısa, Polovınkı eldi mekenderi evakýasııalandy (463 adam). Kóshirý oryndarynda polısııa qyzmetkerleriniń kezekshiligi uıymdastyryldy. Turǵyndar Semeı qalasy men Borodýlıha aýylynyń evakýasııalyq pýnktterinde ornalastyryldy. О́rt sóndirýge tartylǵan jáne evakýasııalanǵan azamattar úshin azyq-túlik jetkizilip jatyr. Qazirgi ýaqytta órt saldarynan 3 úı, 2 birlik tehnıka órtendi, ys tıip ýlanǵan ormanshylyqtyń 2 qyzmetkeriniń jaǵdaıy jaqsaryp keledi, traktorshy D. K. Qanafın jalpy palataǵa aýystyryldy, S. M. Baqanasov úıine jiberildi. Joǵalǵan traktorshy S. Arhıpovty izdeý jalǵasyp jatyr. Polısııa qyzmetkerleri onyń ornalasqan jerin anyqtaý boıynsha jumys júrgizýde. Memleket basshysynyń tapsyrmasy boıynsha Ýspenskıı ormanshylyǵynyń qaza tapqan 14 jumysshylardyń otbasyna kómek kórsetilip jatyr. Búgingi tańda árbir otbasyna bıýdjet jáne bıýdjetten tys qarajat sheńberinde qajetti kómektiń derbes kartalary jasaldy. Sonymen qatar zardap shekkenderge kómek kórsetý jáne órt saldaryn joıý úshin arnaıy «Aq Ertis» qaıyrymdylyq qorynda shot quryldy. Barlyq memlekettik tólemder ýaqtyly jáne tolyq kólemde kórsetiletin bolady.