Elordalyq Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda qala PD ákimshilik polısııa basqarmasymen kelise otyryp, Aıǵanym kóshesinde jol tósemin ortasha jóndeý jumysyn bastaıdy, dep habarlaıdy Egemen.kz Astana ákimdiginiń baspasóz qyzmetine silteme jasap.
Jóndeý júrgizýge baılanysty osy jyldyń 13-15 maýsym kúnderi aralyǵynda Q.Muhamedhanov kóshesinen Qyz Jibek kóshesine deıingi Aıǵanym kóshesiniń ýchaskesinde kólik qozǵalysy tolyǵymen shekteledi.
Sondaı-aq Toqtarov kóshesindegi Sýsamyr kóshesinen Q.Kemengerluly kóshesine deıingi jol tósemine ortasha jóndeý júrgiziledi.
Osyǵan baılanysty 14-24 maýsym kúnderi joǵaryda atalǵan ýchaskelerde kólik qozǵalysy shekteledi.
«Elorda turǵyndary men qonaqtary joldardaǵy keptelis jaǵdaılaryn týdyrmas úshin qozǵalys baǵytyn aldyn ala josparlaýy qajet», delingen ákimdik habarlamasynda.