Jedel shtabtyń málimetinshe, eldi mekenderge qaýip tónip turǵan joq. Qazirgi ýaqytta Abaı oblysyndaǵy órtti sóndirý jumystary jalǵasyp jatyr, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
О́rtti sóndirýge TJM, Ekologııa jáne tabıǵı resýrstar mınıstrliginen, jergilikti atqarýshy organdardan jáne Qorǵanys mınıstrliginen 1 800-ge jýyq adam, 350-den astam birlik tehnıka jumyldyrylǵan.
Sonymen qatar tikushaqtar órt aýmaǵyna aerovızýaldy tekserýler júrgizip, órt oshaqtaryna sý aǵyzýdy jalǵastyryp jatyr.
«О́tken táýlikte barlyǵy 535 ret kólemi 1 600-ge jýyq tonnadan astam sý aǵyzyldy. О́rt bastalǵaly beri barlyǵy 1450 ret kólemi 4 000 tonnadan astam sý tógildi. Osy ýaqytqa deıin jedel jeli telefonyna 179 qońyraý kelip tústi», delingen vedomstvo habarlamasynda.
«Qazgıdromet» RMK derekteri boıynsha, búgin 14 maýsymda Abaı oblysynda jaýyn-shashynsyz aýa raıy kútiledi. Sonymen qatar soltústik, soltústik-shyǵystan jyldamdyǵy 15-20 m/s jel soǵady. Aýa temperatýrasy túnde +8+130S, kúndiz +20+250S bolady.