Soltústik Irlandııany jeńe alamyz ba?

Elimizdiń fýtbol federasııasy 2002 jyly ÝEFA quramyna qosylǵaly beri Qazaqstan kári qurlyqtyń birqatar qu­­ramasymen jasyl alańda kezdesip úl­­gerdi. Eýropa chempıonatynyń osy irik­­teýindegi qarsylastarymyzdyń úsheýi­men bizdiń jigitterdiń bu­ǵan deıin birne­she márte túrli deńgeıdegi týrnırlerde joldary túıisken. Al Soltústik Irlan­dııa jáne Slovenııa quramalarymen alǵash ret oınamaq. Naýryz aıyn­daǵy irikteý­diń alǵash­qy­synda Slovenııa fýtbolshylarymen «tanysyp», ókinishke qaraı, elorda­­daǵy «Astana Arenada» ótken oıynda 1:2 esebimen jeńilip qal­ǵan bolatyn. Endi, mine, 19 maýsymda eli­mizdiń ulttyq quramasy da, jan­kúıer­ler de Sol­tústik Irlandııa fýtbo­lynyń qarym-qabiletin baıqap kóredi.

Aldymen, 16 maýsymdaǵy qar­syla­symyz – San-Marıno qura­masyna toqta­lyp ótsek. Jer­­gilikti maman Fabrısıo Kon­­s­tantını jattyqtyratyn San-Ma­rı­no quramasymen Qazaq­stan fýt­bol­shylary buǵan deıin de toptyq kezeńde oınaǵan. 2020 jylǵy Eýropa chempıonatynyń irikteýinde bizdiń jigitter San-Marınomen birge I tobyna túsip, eki matchta da iri eseppen jeńiske jetken edi. Astanada ótken al­ǵashqy oıynda jerlesterimiz qar­­sylas quramanyń qaqpasyna jaýapsyz tórt gol soqqan bolsa, San-Marınodaǵy qarymta kezdesýde 3:1 esebimen tize búktirgen bolatyn.

Fabrısıo Konstantınıdiń aldaǵy eki oıynǵa shaqyrǵan fýt­bol­shylarynyń tizimin qaraı­tyn bolsaq, qorǵaýshylar – Fı­lıppo Fabbrı («Olbııa»), Sımone Fransıozı («Valfoglııa»), Dante Rossı («Tropıkal Korıano») jáne shabýylshylar – Fılıppo Berardı («Sammaýreze») men Nı­kola Nannıden («Olbııa») bas­qalarynyń bári jergilikti chempıonatta oınaıdy. Al atal­ǵan fýtbolshylar Italııa chem­pıonatynyń tómengi lıgala­ryn­da dop tebedi eken. Sol­tús­tik Ir­landııa qurama­synyń negizi aǵyl­shyn chempıonatynda oınaıtyn fýtbolshylardan jasaqtalǵan. Iаǵnı aldaǵy eki oıyn­da Magomed Adıev shákirtterin eki túrli oıyn kútip tur dep aıtsaq ta bolatyn shyǵar.

О́ıtkeni San-Marıno kór­shileri Ita­lııa sııaqty kóbirek qorǵanysqa kóńil bólip, «gol soqpasaq ta óz qaqpamyzǵa gol ót­kizip almaıyq» degen taktıkany ustanady. San-Marınonyń keıingi alty oıynyna qaraıtyn bolsaq, bir ǵana matchta gol soǵýǵa shamalary jetken eken. О́z qaqpasyna 10 gol ótkizip alǵan.

Al Soltústik Irlandııa aǵyl­shyndar sııaq­ty standartty jaǵ­­daılarda, áýedegi dopqa talasta basymdyq tanytyp, gol so­ǵýǵa tyrysady. Sonymen qatar olar alys paspen oınap, qaptal arqyly shabýylǵa jıi shyǵady. Maıkl O’Nıll shákirtteri keıingi tórt oıynnyń ekeýinde jeńiske jetip, ekeýinde qarsylastaryna jol bergen. Atap aıtar bolsaq, Kosovo (2:1) men San-Marınodan (2:0) basym túsip, Grekııa (3:1) men Fın­lıandııadan (1:0) jeńilgen.

Otandyq belgili fýtbol fýnk­sıoneri jáne ardager fýtbolshy Bolat Esmaǵambetov Qazaqstan quramasyn alda osy irikteýdegi eń qıyn eki match kútip turǵanyn aıtady. «Bizdiń jigitterdi osy irikteýdegi eń mańyzdy ári eń qıyn oıyndar kútip tur. San-Marıno jáne Soltústik Irlandııamen ótetin matchtarda jınaqy oıyn kórsetý kerek. San-Marınony aýtsaıder dep mensinbeı qaraýǵa bolmaıdy. О́zderińiz bilesizder, naýryz aıynda danııalyqtar bizdi mensinbeı oınap, nátıjesinde ózderi sodan opyq jep, búkil álem aldynda masqara boldy. Sondyqtan bizge barynsha baıqap oınaǵan durys. Birinshi match­ta Qazaqstan quramasy favorıt sanalǵanymen, Soltústik Irlandııamen ótetin ekinshi match odan da qıyn bolady. О́ıtkeni olar da Eýropa chempıonatyna joldama alǵysy keledi. Bizdiń jigitter San-Marınony jeńip, Soltústik Irlandııamen teń tús­se, biz úshin keremet nátıje bolar edi. Eger, bizdiń qurama osy eki oıyn­da tórt upaı jınaıtyn bolsa, onda Eý­ropa chempıonatyna shyǵý múm­kindigimizdi saqtap qa­lamyz», deıdi B.Esmaǵambetov.

Qazaqstan quramasy bul irik­teýde «H» tobynda Danııa (3:2), Fınlıandııa, Slovenııa (1:2), Soltústik Irlandııa jáne San-Ma­rınomen Eýropa chempıo­na­tynyń joldamasyn sarapqa salyp jatyr. Al kelesi jylǵy kári qurlyq birinshiligi 14 maýsym men 14 shilde aralyǵynda Germa­nııanyń Berlın, Keln, Dort­mýnd, Dıýsseldorf, Frank­fýrt, Gelzen­kır­hen, Gam­býrg, Leıp­sıg, Mıýnhen jáne Shtýt­­gart qa­lalarynda ótedi dep jospar­lanǵan.

Al chempıonatqa irikteý kezeń­de­rinde óz toptarynda birin­shi jáne ekinshi oryn alǵan qurama­larǵa tikeleı joldama beriledi.