Múmkindigi shekteýlige úmit bergen

Atyraý oblystyq Jumyspen qamtýdy úılestirý jáne áleý­­mettik baǵdarlamalar bas­qar­masynyń bólim basshysy Gúl­bolat Amanǵalıevanyń máli­me­tin­she, bıylǵy úsh aıda jumyspen qamtý ortalyqtaryna múgedektigi bar 485 adam jú­gingen. Onyń ishinde 407 adamǵa áleý­mettik qoldaý túrleri kór­setildi. Al 293 adam jumysqa ornalasty.

– О́ıtkeni Atyraý qalasy men barlyq aýdanda múgedektigi bar adamdardy jumyspen qam­tý­ baǵytynda arnaıy qaýly qa­byl­danǵan edi. Osy qaýlyǵa sáıkes mekemede jumys isteıtin adam­nyń sanyna baılanysty múge­dekter úshin 2-4 paıyz kóle­min­de kvota bólý kózdelgen. Múge­dek­ti­gi bar adamdardy jumyspen qam­tı alatyn mekemeler tizimi beki­tildi. Mekemelerdiń basshylaryna jumyspen qamtý erejesi túsindirildi. Sonyń nátı­jesinde jyl basynan beri kvota­men 8 adam jumysqa ornalasty. Al qaý­lyny oryndamaı, múge­dek­ti­gi bar azamattar úshin kvota ból­megen mekemelerdiń tizimi tıis­ti­ organdarǵa joldandy, deıdi Gúl­bo­lat Amanǵalıeva.

Onyń aıtýynsha, jyl basynan beri múgedektigi bar adamdar­dy­ jumyspen qamtý úshin 105 adam­ qysqamerzimdi oqý kýrsta­ry­na jiberilgen. Sondaı-aq bıyl múgedektigi bar 9 adamǵa 400 aılyq eseptik kórsetkish mól­sherinde memlekettik grant be­ril­­­­gen. Qazir olar jeke kásibin dóń­­­­­ge­letip otyr.

Qur­manǵazy aýdanynda­ je­ke ká­si­bin ashqandardyń qata­ryn­da­ «Nurshýaq múgedekter qoǵa­my»­ qoǵamdyq birlestiginiń tó­ra­ıymy Gúlsara Qaıyrlenova da­ bar. Kásipker 2013 jyldan be­ri ismerlikti qolǵa alyp, eki ti­gin­ sheberhanasyn ashqan. Tigin she­ber­­hanasynda arnaıy tapsyrys­pen kıim-keshek, kórpe-kóp­shik, kún­delikti turmysta qol­da­ny­la­tyn ózge de zattardy daıyn­dap shy­ǵady. Bir ereksheligi, kásip­ker al­ǵashqy kezekte birinshi jáne ekin­shi top múgedektigi bar qyz­-kelin­shekterdi, jalǵyz tura­tyn­­ ana­lardy jumysqa alǵan.

– Osy kásippen aınalys­qa­­ny­ma on jylǵa jýyqtady. О́zi­miz tik­ken dúnıeni satatyn arnaıy oryn joq. Biraq tigin sheber­hana­sy­na kelgen jandarǵa usyn­saq, bir­den satyp alady. О́z tara­­py­myz­dan múgedektigi bar qyz-kelin­shek­­terdi osy kásipke oqytý úshin te­gin tigin oqytý kýr­syn ashtyq. Qa­zir olar da óz kásibin ashyp, ju­mys isteı bas­tady. Ár jumada múm­kindigi shek­teýli jandarǵa tegin qyzmet kór­se­te­miz. Aldaǵy ýa­qytta tigin sheberhanasynda tiginshiler sanyn kó­beıtýdi jos­parlap otyrmyz, deı­di G.Qaıyrlenova.

Al Mahambet aýdanyndaǵy Alǵa­ aýylynyń turǵyny Aman­gúl­ Fazlıevanyń ózi bala kúninen múm­kindigi shekteýliler sanaty­na­ jatady. Ekinshi toptaǵy múge­dek bolǵanymen, qolynan kelmeı­tintini joq. Quraq kórpe ti­gedi. Kópshikke túrli oıý sala­dy. Onyń qolynan shyqqan sáýkeleniń ásem­digin kózben kórý kerek. Sán­dik­ qol sómkelerge qyzyǵýshy kóp­.

– Tigin ónerine bala kezimnen qy­zy­ǵyp, qolǵa aldym. Maqsa­tym­ – turmysqa qajetti buıym­dar­dy ulttyq naqyshta jasaý.­ Me­niń qyzyǵýshylyǵym qýyr­­shaq­tarǵa kóılek tigýden bas­tal­dy. О́se kele osy óner túri­men aınalysýǵa bel býdym. Biraz nárseni úırenýge týra kel­di. Sóıtip, tigin sheberhana­sy­na jumysqa ornalas­tym. Bul tájirıbe jınaýǵa kóp sep­ti­gin tıgizdi. Aldymen kórpe tik­tim. Sodan keıin ózimdi ártúrli baǵytta synap kórdim. Qıyn­dyq­qa qaramastan, bastaǵan isim oń nátıjesin berdi. Qazir kór­pe, kópshik, bas kıimder, qyz jasaýyn tigemin. Qolóner – syry tuńǵıyq, ózgeshe bir álem. Zeıinińdi bastaǵan isińe burý tir­­shiliktiń taýqymetin az ýaqyt­qa­­ bolsa da umytýǵa áser etedi, deı­di­ Amangúl Fazlıeva.

Alǵa aýylynyń ákimi Rasýl Mýsın­niń aıtýynsha, tigin­shi­lik­ti kásip etken Amangúl Faz­lıe­­va birneshe ret aýdandyq, ob­lys­tyq qolóner kórmesine, baı­­qaýlarǵa qatysqan. Bıylǵy aq­panda «Bastaý-bıznes» baǵ­dar­­lama­symen kýrstan ótip, mem­le­ket­­tik grant alýǵa qujat tapsyryp qoıǵan.

«Atameken» UKP Jylyoı aýdandyq fılıalynyń jetekshisi Erlan Nurlanovtyń aıtýynsha, byltyr 76 adamǵa, onyń ishinde múmkindigi shekteýli eki adamǵa memlekettik grant beril­gen. Qaıtarymsyz qarjy alǵan­dar­dyń qatarynda Aısultan Dúı­sá­­lıev te bar.

– Eshki – tez kóbeıetin úı janýary. Onyń súti kóptegen aýrýǵa em, al eti jeńil taǵam qataryna jatady. Sol sebepten, byltyr qaıtarymsyz qarjyǵa 30-dan astam eshki satyp aldym. Endi aýdan turǵyndaryn eshkiniń sútimen jáne etimen qamtý oıda bar. Osy kásibime qosa qamystan taqta da­ıyndaımyn. Ony qurylysqa paıdalaný úshin alatyndar az emes, deıdi A.Dúısálıev.

Al Qyzylqoǵa aýdanyndaǵy «Mııa­ly» múgedekter qoǵamdyq bir­lestiginiń tóraǵasy Asylbek Mu­ratov eki jyldan beri jıhaz ja­saýdy kásip etip otyr. Osy maq­­sat úshin úıiniń janyndaǵy ǵı­­ma­ratty jıhaz sehyna aınal­dyr­ǵan.

– Kásibimdi bastaý úshin túr­li baǵdarlama arqyly jeńildetilgen nesıe alǵan joqpyn. Aldaǵy ýaqytta seh aýmaǵyn ulǵaıtýdy jos­­parlap otyrmyn. Sehta 16 adam turaqty jumys isteıdi. Aýdandyq jumyspen qamtý, áleý­mettik baǵdarlamalar jáne azamattyq hal aktilerin tir­keý bólimi arqyly múmkindigi shek­teýli 12 adamdy jumysqa qa­byl­dadym. Onyń ishinde birinshi top­tyń múgedegi de bar, deıdi Asylbek Muratov.

Qazir sehta kereýet, ústel shkaf­ sekildi jıhazdar jasalady.­ Jum­saq jıhazdardyń tysyn aýys­­tyryp beredi.

– Bala kezimnen ártúrli zat­­­­­­ty qurastyrýdy una­ta­tyn edim.­ Jıhaz sehynda daıyn­ taq­taı­lardy burǵylaý quralynyń kó­megimen quras­ty­ramyn. Bizdiń jıhaz­darymyzǵa turǵyndar tarapynan tapsyrys kóp túsedi. Tap­sy­rys berýshiler jıhaz sapasyna syn­ aıtqan emes, – deıdi birinshi top­taǵy múmkindigi shek­teýli jan Ma­hambet Serik­qa­lıev.

Atyraý oblysy