Keıingi jyldary medısına salasynda jetken jetistigimiz kóbeıdi. Ásirese kópbeıindi medısınalyq ortalyqtardyń áleýeti artyp, keregesi keńeıdi. Jyl saıyn qala, aýyldarda eńseli aýrýhanalar ashylyp, ondaǵy dárigerler halyqqa barynsha sapaly medısınalyq kómek kórsetýge beıimdelip keledi. Olardyń jalaqysy ósip, áleýmettik jaǵdaılaryna jiti kóńil bóline bastady. Ozyq úlgidegi sheteldik tehnologııalar qoldanysqa endi. Buryn shetelde ǵana jasalatyn kúrdeli em-dom endi elimizde de qoljetimdi. Jyl saıyn elde medısınanyń birneshe salasyna qatysty forýmdar ótip, onda bilikti dárigerler tájirıbe almasady. Bizdiń dárigerler de syrt elderde biliktilikterin jetildirip, tájirıbelerin shyńdap júr. Halyqqa kórsetiletin kómektiń deni saqtandyrý paketinde qamtylǵan. Osynyń nátıjesi bolsa kerek, shetelden kelip, aqyly em alatyn pasıentter qarasy artty.
Mine, osyndaı tolaıym tabystarǵa toly sala maýsymnyń ər úshinshi jeksenbisinde Medısına qyzmetkerleriniń kúnin atap ótedi.